«Բարդ ու խոտոր ուղի է․ գոնե իրար նկատմամբ մարդկային լինենք»․ Նազենի Հովհաննիսյանի նոր գրառումը

Դերասանուհի, հաղորդավարուհի Նազենի Հովհաննիսյանը սոցցանցերի իր էջերում նոր լուսանկար է հրապարակել և կից գրառում կատարել  Հեռուստատեսության միջազգային օրվա կապակցությամբ։

«Երեկ Հեռուստատեսության միջազգային օրն էր…
Իմ պատկերացմամբ հեռուստատեսային մարդը պետք է բովանդակություն ստեղծի, որակ ունենա, համարձակություն ունենա իր ճաշակն ու տեսակը պահպանելու, սկզբունք ու ամրություն ունենա, մտքի ազատություն և ստեղծագործական ջիղ ունենա, աշխատասիրություն և ինտելեկտ, ամուր Արմատ ունենա:

Զարգանա, զարգացնի, հետագիծ թողնի: Սա է ըստ իս որակյալ փոփոխության տանող ճանապարհը:
Թե չէ՝ ոչ լոկ արտաքինը կաշխատի, ոչ ուրիշի գրած տեքստով վարելը, ոչ էլ «լավ աղջիկ է կամ տղա» արտահայտությունը:

Հեռուստատեսությունը ամենօրյա ծանրագույն աշխատանք է, որտեղ անհատը իրավուք չունի կանգ առնելու, հոգնելու կամ կիսատ գործելու, այլընտրանքը միայն անընդմեջ զարգանալն է:

Ես չգիտեմ արդյոք կարողացե՞լ եմ երբևէ մոտենա՛լ անգամ վերը նշված հատկություններին կամ որակներին, բայց հաստատ ունեցել եմ բացարձակ նվիրում իմ արած Ամենապարզ գործին անգամ:
Չեմ հոգնել, չեմ հոգնելու:
Ժամանակի բարձրությունից է միայն ամենը լավ ու հստակ երևում…

Ես սովորել եմ ամուր կանգնել ոտքերիս վրա, որքան էլ ուժեղ ցնցումներ լինեն:
Ուժ ու համբերություն բոլորիս:
Իմ բոլոր գործընկերներին սրտանց շնորհավորում եմ… բարդ ու խոտոր ուղի է: Գոնե իրար նկատմամբ մարդկային լինենք…»,- գրել է հաղորդավարուհին։