«Դիրքերում» հաղորդաշարի օպերատորը դուրս է գրվել հոսպիտալից. «Փաստ»
«Փաստ» օրաթերթը գրում է.
«Փաստը» վավերագրող, ռեժիսոր, «Դիրքերում» հեղինակային հաղորդաշարի հեղինակ և վարող Արշակ Զաքարյանից փորձեց պարզել, թե այս պահին ինչպես է իրեն զգում հակառակորդի կրակահերթից հրազենային ծանր վիրավորում ստացած հաղորդաշարի օպերատոր Դավիթ Աթոյանը:
«Զգացողությունը շատ լավ է: Արդեն դուրս է գրվել հիվանդանոցից: Հոսպիտալի մոտակայքում տուն ենք վարձել, որպեսզի վիրակապելու համար հիվանդանոց գնալն ավելի հեշտ լինի նրա համար»,– ասաց Ա. Զաքարյանը:
Դավիթին որոշել են հիվանդանոցից դուրս գրել մի քանի նկատառումներից ելնելով: Նախ՝ հոսպիտալում նրա զբաղեցրած տեղը ազատել, հետո Դավիթին հնարավորություն տալ, որ տնային ավելի ազատ պայմաններում վերականգնման պրոցեսն անց կացնի: Ինչ վերաբերում է Դավիթի քայլելուն, Ա. Զաքարյանն այդ մասին ասաց. «Դա ժամանակի հարց է և ընթացքում այդ հարցն էլ կլուծվի»:
Խոսելով Դավիթի հարկադիր պարապուրդի մատնվելու պատճառով ֆինանսական դժվարություններ ունենալ–չունենալու մասին, հաղորդաշարի հեղինակն ասաց, որ ապաքինման այս ողջ ընթացքում «Շանթ» հեռուստաընկերությունը նրա նախկին աշխատավարձից ավելի բարձր գումար է ամեն ամիս վճարում: Դա շարունակվելու է մինչև վերջնական ապաքինումը:
«Ես շատ շնորհակալ եմ «Շանթ» հեռուստաընկերությանը, որ բացի աշխատավարձ տրամադրելուց, այս պահին նաև նրա տունն են վերանորոգում, որպեսզի նա շարունակի ապրել ավելի լավ պայմաններում: Բացի այդ, մենք «Ազգային գվարդիայի» կողմից նույնպես, թե՛ ֆինանսապես և թե՛ մնացած բոլոր հարցերում օգնում ենք, որպեսզի նա ոչ մի բանի կարիք չունենա այնքան ժամանակ, մինչև որ կազդուրվի ու ոտքի կանգնի»,– ասաց Ա. Զաքարյանը:
Նա նաև վստահեցրեց, որ օգնությունը շարունակական է լինելու, իսկ բոլոր գվարդիականները մշտապես նրա կողքին կլինեն:
Հիշեցնենք, որ մայիսի 10–ի երեկոյան, հերթական նկարահանումների մեկնած խմբի մեքենան արցախա–ադրբեջանական շփման գծի հյուսիսային հատվածում հակառակորդի կողմից հրաձգային խոշոր տրամաչափի զենքերով գնդակոծության էր ենթարկվել, որի հետևանքով վիրավորվել էր հաղորդաշարի օպերատոր Դավիթ Աթոյանը: Թշնամու ճիրաններից Դավիթին բավականին դժվարությամբ ազատելուց հետո Ստեփանակերտի հոսպիտալում վիրահատել էին: Հետագայում արդեն առողջական վիճակը կայունանալուց հետո նրան տեղափոխել էին Երևան:
Շարունակությունը` «Փաստ» օրաթերթի այսօրվա համարում
Ucom-ն ընդլայնում է միջազգային ռոումինգի հնարավորությունները
Աստված պահապան մեր հրաշք Հայաստանի Հանրապետությանը. Ուժեղ Հայաստան վստահաբար ունենալու ենք. Արամ Վար...
Առանց հանքարդյունաբերության տեխնոլոգիական առաջընթացն անհնար է․ Վարդան Ջհանյան
Սաուդյան Արաբիան, Թուրքիան և Պակիստանը համատեղ պաշտպանության մասին համաձայնագիր են կնքել. Արտակ Զաքա...
Մենք չենք տրվելու թուրք-ադրբեջանական պարտադրանքին. Ավետիք Չալաբյան
Օդի ջերմաստիճանը կնվազի․եղանակն՝ առաջիկա օրերին
Ազատազրկումը՝ որպես քաղաքական գործիք. Ավետիք Չալաբյանի գործը և մարդու իրավունքների ճգնաժամը
Անհավասարակշռության և նոր կախվածության վտանգները. «Փաստ»
Դատական նիստից հետո Մայր Տաճարում Վեհափառ Հայրապետը աղոթք է հնչեցնում ժողովրդի հետ
Վարչախմբի համար քաղաքական խնդիրները լուծվում են միայն վախի առկայությամբ. Անահիտ Ադամյան
