Դատավորի ամուսինը 50 հազար դրամով «BMW» է գնե՞լ. «Փաստ»

«Փաստ» օրաթերթը գրում է.

Երևան քաղաքի Արաբկիր և Քանաքեռ–Զեյթուն վարչական շրջանների ընդհանուր իրավասության դատարանի դատավոր Աննա Մաթևոսյանի ամուսինը, պարզվում է, նախորդ տարի 50 հազար դրամով «BMW 525» մակնիշի ավտոմեքենա է գնել: Իհարկե բավականին զարմանալի է, թե ինչպես կարելի է 50 հազար դրամով գերմանական արտադրության ավտոմեքենա գնել, այն էլ՝ «BMW»: Ամեն դեպքում այսպես է գրված Աննա Մաթևոսյանի ամուսնու՝ Տիգրան Բարսեղյանի, Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրում: Կամ սա տառասխալ է, կամ էլ վերջինս շատ բախտավոր է:

Բացի այս տարօրինակ էժան գնումից դատավորի ամուսնու հայտարարագրում կա դրամական միջոցների վերաբերյալ տեղեկություն, ըստ որի՝ վերջինիս դրամական միջոցները նախորդ տարի 800 հազար դրամից դարձել են 500 հազար դրամ:

Ինքը՝ Աննա Մաթևոսյանը, հայտարարագրել է 2 միլիոն դրամ դրամական միջոցներ և 3 միլիոն 960 հազար դրամ տարեկան եկամուտներ, որոնք ստացվել են աշխատավարձից:

Շարունակությունը` «Փաստ» օրաթերթի այսօրվա համարում