Խառնաշփոթ ԱԺ-ում. Առաքել Մովսիսյանը Թևան Պողոսյանին անվանեց «գործ տվող»
Tert.am-ը գրում է.
Ազգային ժողովն իր արտահերթ նիստի քվեարկությունը սկսեց խառնաշփոթով: Նախ` մինչ քվեարկությունը պատգամավորների գրանցումից հետո «Ժառանգություն» խմբակցության պատգամավոր Թևան Պողոսյանը խնդրեց ԱԺ նախագահությանը վերականգնել պատգամավորների գրանցման սխեման: «Մարդիկ կան, ովքեր այստեղ չլինելով գրանցված են»,- ասաց պատգամավորը:
ԱԺ նախագահ Գալուստ Սահակյանը պատասխանեց, որ միայն քվեարկությունից հետո կարելի է ստանալ այդ սխեման և հարցը դրեց քվեարկության:
«Ժառանգություն» խմբակցության պատգամավոր Թևան Պողոսյանը քվեարկություններից հետո կրկին պահանջեց ԱԺ նախագահ Գալուստ Սահակյանից ներկայացնել գրանցման պատկերը, քանի որ նա նկատել էր, որ պատգամավորներից ոմանք ներկա չեն, սակայն նրանց փոխարեն քվեարկում են:
Նա մատնացույց արեց վերջին շարքը, երբ ՀՀԿ-ական պատգամավոր Առաքել Մովսիսյանի կողքի նստող պատգամավոր Ռուբեն Սադոյանը չկա, բայց նրա փոխարեն կողմ քվեարկություն գրանցվել է:
Առաքել Մովսիսյանը տեղից Թևան Պողոսյանին անվանեց «գործ տվող»:
«Արխային, ուրախ եմ, եթե հանուն իմ ազգի, ազնվության, օրենքի կարելի է գործ տվող համարվել, թող տենց էլ լինի»,-արձագանքեց Թևան Պողոսյանը:
Գալուստ Սահակյանն էլ ասաց, որ այդ մի կողմ ձայնը քվեարկած նախագծերից կհանեն: Սակայն պատգամավորներ Նիկոլ Փաշինյանն ու Զարուհի Փոստանջյանը պահանջում էին կրկին քվեարկություն ապահովել:
Փոստանջյանը հիշեցրեց, որ իրենց խմբակցությունը ներկայացրել էր նախագիծ՝ կարգազանց պատգամավորներին պատժելու վերաբերյալ: Նա հորդորեց ցույց տալ, թե որ պատգամավորն է ում տեղը քվեարկել, որպեսզի այդ պատգամավորին կարգազանց ճանաչեն:
ԱԺ նախագահն էլ իր հերթին Փոստանջյանից պահանջեց ասել, թե որ պատգամավորն է քվեարկել ուրիշի փոխարեն: «Կարգազանցությունը բոլորիդ մոտ է, եթե այնտեղ ինչ-որ մեկը քվեարկել է մեկի փոխարեն, ասեք՝ ով է քվեարկել, մենք էթիկայի հանձնաժողովում այդ մասին լսել տանք: Նայել եմ, տեսել եմ՝ իրոք տեղում մարդ չկա, քվեարկությունը հանել ենք, կմտածենք՝ ով է քվեարկել, նրան էթիկայի հանձնաժողով կտանք»,- ասաց ԱԺ նախագահը:
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Ուժեղ Հայաստան» կուսակցության քարոզարշավը․ ուղիղ
Մերժում ենք թուլությունը, սուտն ու կեղծիքը, ընտրում ենք արժանապատիվ և ուժեղ Հայաստանը․ Ավետիք Չալաբյ...
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
