Լեւոն Ալթունյանը 15 տարի է չի ծխում, Մկրտչյանը` 17 տարի, Դավիդյանը` հիմնարկում չի ծխում

Armtimes.com-ը գրում է.

Այսօր` ծխախոտի դեմ պայքարի համաշխարհային օրը, առողջապահության նախարար Լեւոն Ալթունյանը մեր հարցին ի պատասխան ասաց, որ ինքը չի ծխում եւ արդեն 15 տարի: Առանձնահատուկ միջոցներ դրա համար նա չի ձեռնարկել, նույնիսկ հատուկ որոշում էլ չի կայացրել: Ուղղակի մի օր արթնացել է ու այլեւս չի ծխել:

Առողջապահության նախկին նախարարներից մի քանիսից եւս հետաքրքրվեցինք` ծխո՞ղ են արդյոք: Նրանցից ոմանց պատասխանը շատ սեղմ է:

Արմեն Մուրադյան (2014-2016 թթ.)- Նա երբեք չի ծխել:

Դերենիկ Դումանյան (2012-2014 թթ.)- «Հիմա չէ, բայց լինում է, որ մեկ-մեկ ծխում եմ: Շնորհակալություն»:

Հարություն Քուշկյան (2007-2012 2 թթ.)- Նա 20 տարի է` չի ծխում: Ուղղակի որոշել է եւ դադարել ծխելուց:

Նորայր Դավիդյան (2003-2007 թթ.) - «Շատ վատ բան եմ անում, բայց ծխում եմ, ցավոք: Փորձել եմ հրաժարվել, մի քանի տարի չեմ ծխել, բայց նորից վերսկսեցի: Շատ վատ բան է ծխելը, բայց հիմնարկությունում չեմ ծխում»,- ասաց Ճառագայթային բժշկության եւ այրվածքների գիտական կենտրոնի ներկա տնօրեն Նորայր Դավիդյանը:

շարունակությունը՝ կայքում