Եթե չեք ուզում պատվաստվել կամ թեստավորվել. գործողությունների ուղեցույց գործատուի և աշխատակիցների համար

Իրավապաշտպան Արտակ Գալստյանը գրում է.

 

Այսպես՝ Ըստ (ԵԽԽՎ) 2361 բանաձևի Պետությունը պարտավոր է՝

 

7.3.1 ապահովել քաղաքացիների տեղեկացվածությունն այն մասին, որ պատվաստումը պարտադիր չէ, և ոչ ոքի չեն կարող պարտադրել պատվաստվել ` քաղաքական, սոցիալական կամ այլ ճնշումների միջոցով, եթե քաղաքացին չի ցանկանում պավաստվել,

7.3.2 ապահովել, որ ոչ ոք չենթարկվի խտրական վերաբերմունքի ` պատվաստված չլինելու պատճառով ՝ հնարավոր առողջության ռիսկերի կամ ցանկության բացակայության պատճառով:

 

Տվյալ դեպքում, 14 օրը մեկ թեսթավորման պահանջը դա սոցիալական ճնշում է, որպեսզի անձը պատվաստվի: Դա է ապացուցում նաև այն հանգամանքը, որ դիցուկ, եթե անձը թեսթավորման պահին առողջ է, դա դեռ չի նշանակում, որ թեսթը հանձնելուց մեկ ժամ կամ մեկ օր հետո չի կարող վարակվել: Միայն այս հանգամանքը բավարար է արձանագրելու համար, որ 14 օրը մեկ անձի հաշվին կատարվող թեսթի պահանջը միտված է սոցիալապես քաղաքացուն ճնշելու և այդ ճնշման միջոցով նրան պատվաստվելուն հարկադրելուն, որը որ արգելված է ԵԽԽՎ 2361 բանաձևի 7.3.1 և 7.3.2 կետերով:

Իշխանության կողմից հայտարարված չպատվաստված անձանց քովիդից վճարովի բուժումը, նրանց մուտքի արգելումը ժամանցի վայրեր և բանկեր, չպատվաստվելու կամ ՊՇՌ թեսթ չներկայացնելու դեպքում աշխատակցին աշխատանքից հեռացումը դա ոչ միայն ԵԽԽՎ) 2361 բանաձևով արգելված պարտադրանք է, այլ նաև խտրականության դրսևորում:

Այլ կերպ ասած ԱՆ Նախարարի հայտնի հրամանը հակասում է ԵԽԽՎ 2361 բանաձևի 7.3.1 և 7.3.2 կետերին և օրինական համարվել չի կարող:

ԵԽԽՎ 2361 բանաձևի 7.3.1 և 7.3.2 կետերի առկայությունը, տալիս է այն համոզմունքը, որ ցանկացած քաղաքացի, որին կստիպեն պատվաստվել կամ թեսթավորվել, իսկ հրաժարվելու դեպքում էլ կհեռացնեն աշխատանքից կամ կենթարկեն այլ խտրականության միանշանակ կշահի դատը եթե ոչ ՀՀ ում, ապա Եվրոդատարանում միանշանակ, որից հետո գործատուն ով հեռացրել է պատվաստման պարտադրանքը չկատարող աշխատակցին ստիպված կլինի իր գրպանից վճարել իր կողմից ապօրինի հեռացված աշխատակցի հարկադիր պարապուրդի ամբողջ ժամանակաշրջանի աշխատավարձը և վերականգնի աշխատանքի, բնականաբար կրելով ահռելի ֆինանսական վնասներ:

(ԵԽԽՎ) 2021 թվականի հունվարի 17-ի 2361 բանաձևին կարող էք ծանոթանալ https://pace.coe.int/en/files/29004/html հղումով, էջ 37-57: Արտատպեք այն և ցույց տվեք ձեր գործատուին կամ տեսչական մարմնին:

 

Ի՞նչ պետք է կատարի այն գործատուն, որը չի ստիպում իր աշխատակցին պատվաստվել, որպեսզի տուգանվելուց հետո չկրի ֆինանսական վնասներ և կարողանա անվավեր ճանաչել տուգանքը:

1. Պետք է կատարի ԱՆ նախարարի աշխատակիցների տվյալների հաշվառման համար սահմանված կանոնները և պատվաստվել կամ թեսթավորվել չցանկացող աշխատակիցներից գրավոր վերցնի բացատրություններ, որ վերջիններս հրաժարվում են պատվաստվել կամ իրենց հաշվին թեսթավորվել:

2. Տեսչական մարմնի կողմից տուգանվելու դեպքում, վարչական ակտի ներքևի հատվածում պարտադիր կատարել գրավոր գրառում, այն մասին որ տուգանքը ապօրինի է, իրենք համաձայն չեն դրա հետ և պատրաստվում են բողոքարկել, հղում կատարելով (ԵԽԽՎ) 2021 թվականի հունվարի 17-ի 2361 բանաձևին և պահանջել վարչական ակտի՝ տուգանքի որոշման մեկ օրինակը:

3. Վարչական ակտի՝ տուգանքի որոշմամբ այցելել մեզ ք.Երևան, Գայի պողոտա 2 շենք 136 հասցեով կամ զանգահարել 098 67 02 02 , 077 13 96 74 հեռախոսահամարներով: Մենք անվճար կբողոքարկենք այդ վարչական ակտը և գործատուն չի կրի ֆինանսական վնասներ:

Ի՞նչ պետք է կատարի այն աշխատակիցը, որը չի ցանկանում պատվաստվել կամ իր հաշվին ՊՇՌ թեսթ հանձնել, բայց որին ստիպում են կամ հեռացրել են աշխատանքից:

1. Գործատուի բանավոր պատվաստվելու կամ իր հաշվին ՊՇՌ թեսթ հանձնելու պարտադրանքի դեպքում և այդ հիմքով աշխատանքից ազատելու սպառնալիք տալու դեպքում, պահանջել պահանջը ներկայացնել գրավոր:

2. Գործատուի կողմից գրավոր պահանջը չներկայացնելու դեպքում, գրել երկու օրինակից դիմում գործատուին, որտեղ նշել թե որ օրը, որ ժամին է գործատուն իրենց բանավոր պահանջ ներկայացրել պատվաստվելու կամ իր հաշվին ՊՇՌ թեսթ հանձնելու և պահանջը չկատարելու դեպքում աշխատանքից հեռացնելու մասին և պահանջել դրա իրավական հիմնավորումները: Դիմումի երկրորդ օրինակը տալ ստորագրելու գրասենյակին, որպես ապացույց որ նման դիմում ներկայացվել է:

3. Եթե դուք ներկայացել եք աշխատանքի, բայց գործատուն չի թողնում ձեզ անցնել աշխատանքային պարտականությունների կատարմանը այն պատճառաբանությամբ որ պատվաստված չեք կամ ձեր հաշվին չեք կատարել թեսթ, ապա պահանջեք գրավոր ներկայացնի իր պահանջը և տա հիմնավորումներ, եթե գործատուն կհրաժարվի գրավոր ներկայացնի իր պահանջը, ապա գրել երկու օրինակից դիմում գործատուին, որտեղ նշել թե որ օրը, որ ժամին եք ներկայացել աշխատանքի և ինչ պատճառով չեն թողել ձեզ անցնել աշխատանքային պարտականություններին, պահանջել դրա իրավական հիմնավորումները: Դիմումի երկրորդ օրինակը տալ ստորագրելու գրասենյակին, որպես ապացույց որ նման դիմում ներկայացվել է և որ դուք անհարգելի չեք բացակայել աշխատանքից:

Անհրաժեշտության դեպքում ՏԵՍԱՁԱՅՆԱԳՐԵՔ ՈՂՋ ԳՈՐԾԸՆԹԱՑԸ ԱՅԴ ՄԱՍԻՆ ՏԵՂՅԱԿ ՊԱՀԵԼՈՎ ՏԵՍԱՁԱՅՆԱԳՐՎՈՂ ԱՆՁԻՆ:

4. Գործատուի կողմից աշխատակցին նկատողություն կամ աշխատանքից ազատման հրաման արձակելու դեպքում, կրկին գրավոր պահանջել դրա հիմնավորումները, հրամանի մեկ օրինակը, ձեր աշխատանքային պայմանագրի պատճեն և բոլոր փաստաթղթերով այցելել մեզ ք.Երևան, Գայի պողոտա 2 շենք 136 հասցեով կամ զանգահարել 098 67 02 02 , 077 13 96 74 հեռախոսահամարներով: Մենք անվճար կբողոքարկենք գործատուի այդ հրամանները և դուք հետագայում ոչ միայն կվերականգնվեք աշխատանքի այլ նաև կստանաք հարկադիր պարապուրդի ընթացքում ձեր չստացված աշխատավարձները:

 

Հիշեցում՝

ՈՉ ՈՔ ԻՐԱՎԱՍՈՒ ՉԷ ՁԵԶ ՊԱՐՏԱԴՐԵԼ ՊԱՏՎԱՍՏՎԵԼ ԿԱՄ ԿԱՄԱՎՈՐ ՊՇՌ ԹԵՍԹ ՀԱՆՁՆԵԼ, դա միմիայն կարող է կատարվել ձեր կամքով: