Ճապոնիայում աճուրդի է հանվել 22 տարի ավտոտնակից դուրս չհանված Toyota Supra-ն (լուսանկարներ)

Ճապոնիայում աճուրդի է հանվել Toyota Supra մակնիշի 4-րդ սերնդի ավտոմեքենան, որը 22 տարի կանգնած է եղել ավտոտնակում: Ինչպես գրում է Motor.ru-ն, սպորտքարի ներկայիս սեփականատերը ավտոմեքենան ձեռք է բերել 1999 թվականին՝ որպես ներդրում, այդ իսկ պատճառով երբեք դրանով չի երթևեկել:

Միևնույն ժամանակ նշվում է, որ երկդռնանի մոդելը կանոնավոր կերպով տեխզննում է անցել, այսինքն՝ գտնվում է լավ վիճակում: Supra A80 մոդելը համալրված է վեց մխոցային, 3 լիտր ծավալային շարժիչով, որն աշխատում է քառաստիճան ավտոմատ փոխանցման տուփի հետ և զարգացնում է 225 ձիաուժ հզորություն:

Վաճառքի հանված մեքենան ներկայանում է վառ կարմիր գունավորմամբ և սև կաշեպատ սրահով:


Ավելին․․․