ԱՊՀ-ի երկրները չեն առարկում Համագործակցության գագաթնաժողովը Մինսկում անմիջական ձևաչափով անցկացնելուն

ԱՊՀ-ի Արտաքին գործերի նախարարների խորհրդի և Պետությունների ղեկավարների խորհրդի նիստերը, որոնք պլանավորված են հոկտեմբերի 14–15-ը Մինսկում, կարող են տեղի ունենալ անմիջական ձևաչափով, Համագործակցության երկրներում չեն առարկում դրա դեմ: Այդ մասին ԱՊՀ-ի Գործադիր կոմիտեի նախագահ - գործադիր քարտուղար Սերգեյ Լեբեդևը հայտարարել Է՝ օգոստոսի 24-ին պատասխանելով ՏԱՍՍ-ի հարցին՝ ԱՊՀ-ի Մշտական ներկայացուցիչների խորհրդի նիստից առաջ, տեղեկացնում Է «Արմենպրես»-ը:

«Այժմ ամեն ինչ տանում Է այն բանին, որ այդ հանդիպումներն անցկացվեն անմիջակա ձևաչափով: Դրան Է տրամադրված Բելառուսի ղեկավարությունը, ԱՊՀ-ի Գործադիր կոմիտեն պաշտպանում Է այդ ձգտումը: Առայժմ պետություններից ոչ մեկից մենք առարկություններ չեք ստացել առկա ձևաչափով հանդիպումն անցկացնելու վերաբերյալ: Մենք մեծ հույսեր ունենք, որ այդ պլանները կիրականանան»,- նշել Է քարտուղարը: Լեբեդևը հայտնել Է, որ առաջիկա նիստերի օրակարգերի համաձայնեցման գործընթացը գտնվում Է եզրափակիչ փուլում:

«Մենք հուսով ենք, որ այսօր գործնականում արդեն վերջնական տարբերակով կհամաձայնեցվեն այն հարցերը, որոնք պետք Է քննարկեն թե՛ ԱՊՀ-ի արտաքին գործերի նախարարները և թե՛ պետությունների ղեկավարները»,- ասել Է Լեբեդևը: Դրանց թվում Է, ճշտել Է նա, հայտարարության ընդունումն ԱՊՀ-ի կազմավորման 30-ամյակի մասին:

Ավելին․․․