Գողապետության պատկերը
Մայիսի 13-ին Չեխիայի իրավապահ մարմինները ձախողել են իրենց երկրի տարածքում նախապատրաստվող «օրենքով գողերի» հերթական հավաքը: Եղել են ձերբակալություններ, այդ թվում` ձերբակալվել է հավաքի կազմակերպիչ ռուսաստանաբնակ Ռուբեն Թաթուլյանը`Ռոբսոն մականունով: Վերջինս, ըստ հրապարակումների, Չեխիա է մուտք գործել հայկական դիվանագիտական անձնագրով: Ամիսներ առաջ սույն անձին բերման էին ենթարկել նաեւ Սոչիում ճանապարհատրանսպորտային կանոններ խախտելու համար եւ այդ ժամանակ, ըստ ռուսական լրատվամիջոցների, նրա վարած Mercedes-Benz G3a մեքենայի վրա եղել էր Հայաստանի դիվանագիտական 138 D 307 77 պետհամարանիշ:
Նա նաև հանդիսանում է վարչապետ Կարեն Կարապետյանի ներդնողների փակ ակումբի անդամ: Հավանական է, որ այս ինֆորմացիոն արտահոսքերը կապված են նախագահ-վարչապետ ներքին հակասությունների հետ: Սակայն արխիվից հանված նկարներից պարզ է դառնում, որ նախագահը ևս վատ հարաբերությունների մեջ չէ Ռոբսոնի հետ: Երբ հնչում էին գնահատականներ այն մասին, որ Հայաստանը գողապետություն կամ ավազակապետություն է, ընդդիմախոսները լուտանքներ էին տալիս ` մի խաղացեք Հայաստանի հեղինակության հետ:
Անցնող շուրջ երկու տասնյակ տարիները ցույց են տվել, որ Հայաստանի հեղինակության հետ, ավելի քան որևէ մեկը, խաղացել են միայն ու միայն այս երկրի իշխանությունները: Գրեթե տարի չկա, որ նրանք չհայտնվեն որևէ սկանդալի կենտրոնում: Այն, որ Հայաստանում քրեական և իշխանական դաշտը սերտաճած է, գաղտնիք չէ որևէ մեկի համար: Սակայն այսքան աղաղակող փաստե՞ր:
Ավելի աբսուրդ էր ԱԳ նախարարության պարզաբանումը: ՀՀ ԱԳՆ խոսնակ Տիգրան Բալայանը, այնուամենայնիվ, պատասխանեց կայքերից մեկի հարցին, թե ինչ հիմքով է Ռուբեն Թաթուլյանին ՀՀ դիվանագիտական անձնագիր տրվել: ««Հայաստանում տնտեսական զարգացման և ներդրումներ ներգրավելու ուղղությամբ գործունեություն իրականացնող Ռուբեն Թաթուլյանին ՀՀ դիվանագիտական անձնագիր տրամադրվել է օրենքով սահմանված կարգով»,- ասել է նա:
Մնում է, իշխողները դիվանագիտական անձնագրեր կամ համարներ տան թաղային հեղինակություններին, որոնք ձայներ են բերում իշխող կուսակցության համար: Ի՞նչ վատ աշխատանք են անում: Նրանք ևս ներդրումներ են անում, միայն թե իշխանությանն այդքան անհրաժեշտ ձայների տեսքով:
Մարիա Պախուցկայա, Armenia24.info
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Ուժեղ Հայաստան» կուսակցության քարոզարշավը․ ուղիղ
Մերժում ենք թուլությունը, սուտն ու կեղծիքը, ընտրում ենք արժանապատիվ և ուժեղ Հայաստանը․ Ավետիք Չալաբյ...
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
