ՍԴ–ի Թունյանն ու իր կինը միասին 48 միլիոն դրամի անշարժ գույք են ձեռք բերել. «Փաստ»

«Փաստ» օրաթերթը գրում է.

Սահմանադրական դատարանի անդամ Արայիկ Թունյանը նախորդ տարի 24 միլիոն դրամով առանձնատուն է գնել: Այդ մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:

Նրա դրամական միջոցները նախորդ տարվա վերջին կազմել են 850 հազար դրամ, 2 հազար 600 ԱՄՆ դոլար և 2 հազար 500 եվրո: Տարեկան եկամուտները կազմել են 27 միլիոն 354 հազար դրամ, որի մեծ մասը՝ 17 միլիոն դրամը, վերցված վարկն է, իսկ 8 միլիոն 57 հազար ու 2 միլիոն 297 հազար դրամը աշխատավարձեր:

Կնոջ՝ Հասմիկ Օլոյանի Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից հետևում է, որ պաշտոնյայի կինը նույնպես նախորդ տարի 24 միլիոն դրամով առանձնատուն է գնել: Դրամական միջոցները բավական քիչ են, ընդամենը 800 հազար դրամ և 2 հազար 100 ԱՄՆ դոլար, իսկ տարեկան եկամուտները կազմել են 19 միլիոն 944 հազար դրամ և ստացվել 2 միլիոն 944 հազար դրամ աշխատավարձից ու 17 միլիոն դրամ ստացված փոխառություններից՝ վարկերից:

Շարունակությունը` «Փաստ» օրաթերթի այսօրվա համարում