Ողջ կյանքը նպաստով ապրած եգիպտոսցին 1,5 մլն դոլար ժառանգություն է թողել ընտանիքին

Եգիպտոսի Սոհագ նահանգի բնակիչը, որն ամբողջ կյանքի ընթացքում նպաստ է ստացել և բողոքել է գումար չունենալուց, մոտ 1,5 մլն դոլար ժառանգություն է թողել ընտանիքին:

Ինչպես տեղեկացնում է Gulf Today-ը, բանկային հաշվում առկա գումարի մասին ընտանիքի անդամներն իմացել են 63-ամյա տղամարդու մահից մեկ ամիս անց: Նշվում է, որ տղամարդու մահից հետո բանկից ծանուցում է եկել նրա ընտանիքին այն մասին, որ վերջինիս հաշվեհամարին 22 մլն եգիպտական ֆունտ (ավելի քան 1,4 մլն դոլար) գումար կա:

Եգիպտոսցու որդին չի հավատացել այդ տեղեկությանը և կորցրել է գիտակցությունը: Երիտասարդի խոսքով՝ հայրը երբեք պարտք չի վերցրել և «ոչ մի անգամ բանկ չի մտել»:

Գյուղի բնակիչները վստահ են, որ տղամարդը հարստացել է դեռևս 30 տարի առաջ, երբ աշխատելու էր մեկնել Պարսից ծոցի երկրներից մեկը:  

Աղբյուրը հավելում է, որ ընտանիքն արդեն մի շարք առաջարկներ է ստացել մեծահարուստի դստեր հետ ամուսնանալ ցանկացողներից:
Ավելին․․․
Աղբյուր