Ծնողներն իմացել են, որ երեխաները «ծայրահեղ անհաս» են. Անդրանիկ Պողոսովիչը հնգյակի մասին մանրամասներ է ներկայացրել (Տեսանյութ)

Aysor.am-ը գրում է.

«Էրեբունի» բժշկական կենտրոնի ծննդօգնության գծով փոխտնօրեն Անդրանիկ Պողոսյանի համար տարօրինակ է, որ հնգյակի ծնողները ցանկանում են արտասահմանցի մասնագետներ հրավիրվեն երեխաների համար:

«Ես էսքան ժամանակ չեմ տեսել, որ երեխա ծնվի մենք արտերկրից մասնագետ հրավիրենք: Պատմության մեջ նման բան չի եղել», -այսօր լրագրողներին ասաց «Էրեբունի» բժշկական կենտրոնի ծննդօգնության գծով փոխտնօրեն Անդրանիկ Պողոսյանը:

Նշենք, որ անցած շաբաթ հնգյակ ծննդաբերած 23-ամյա Լուսինե Պողոսյանի հղիության ընթացքը վարել են «Էրեբունի» ԲԿ-ի մասնագետները: Կինը 28 շաբաթականում ծննդալուծվել էր, և երեխաները, ըստ մասնագետների, ծնվել էին անհաս: Նրանցից երկուսը մահացել է, իսկ մյուս երեքը, Առողջապահության նախարարության փոխանցմամբ, գտնվում է ծայրահեղ ծանր վիճակում:

«Մենք ծնողներին ամեն անգամ զգուշացրել ենք, որ հնգայկը էքստրեմալ, ծայրահեղ անհաս երեխաներ են լինելու, և նրանց ապրելու հավանականությունը շատ փոքր տոկս է կազմելու: Հայաստանում այս հնգյակը առաջինն էր, բայց մենք հասցրել ենք մաքսիմալ՝ 28 շաբաթական հասունության աստիճան, որից հետո երեխաները ցանկացել են դուրս գալ, չէինք կարող պահել ու նորմալ ձևով կատարվել է ծննդալուծում», - ասաց Անդրանիկ Պողոսովիչը:

Մանրամասները` սկզբնաղբյուր կայքում