Ռաիսա Վարդանյանը 2016–ին 60 միլիոն դրամ եկամուտ է ունեցել. «Փաստ»

«Փաստ» օրաթերթը գրում է.

Վիետնամի Սոցիալիստական Հանրապետությունում ՀՀ արտակարգ և լիազոր դեսպան Ռաիսա Վարդանյանը 1 միլիոն 650 հազար ամերիկյան դոլարի փոխառություններ ունի: Այս մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:

Ըստ հայտարարագրի՝ Ռաիսա Վարդանյանը նախորդ տարի վաճառել է իր 45 միլիոն դրամ արժողությամբ բնակարանը: Իսկ նրա դրամական միջոցները էականորեն նվազել են նախորդ տարվա ընթացքում: 2016 թ. սկզբին հայտարարագրած 135 միլիոն 400 հազար դրամ և 727 հազար եվրո դրամական միջոցներից Վարդանյանը նախորդ տարի ծախսել է միայն դրամից և արդեն տարեվերջին ունեցել 76 միլիոն դրամ:

Նրա տարեկան եկամուտները ստացվել են 34 հազար 932 ԱՄՆ դոլար աշխատավարձից և 59 միլիոն 927 հազար դրամ տրված փոխառությունների՝ վարկերի, դիմաց ստացված տոկոսից:

Շարունակությունը` «Փաստ» օրաթերթի այսօրվա համարում