ԿԸՀ-ն 48 ժամ է տվել Փաշինյանին․ Ո՞ր ուժերն են անթերի փաստաթղթեր ներկայացրել
23 կուսակցություն ու չորս դաշինքներ էին օրեր առաջ իրենց ընտրացուցակներն ու փաստաթղթերը ներկայացրել Կենտրոնական ընտրական հանձնաժողով։ Այդ ուժերից ոչ բոլորին է սակայն բախտ վիճակվելու հատել քարոզարշավի մարաթոնն ու մասնակցել հունիսի 20-ին կայանալիք քվեարկությանը։
ԿԸՀ-ն երկու տասնյակ քաղաքական ուժերին 48 ժամ է տվել ներկայացված փաստաթղթերը լրացնելու համար:
Փաստաթղթերում բացթողումները առնչվում էին որոշ թեկնածուների վերջին 4 տարին ՀՀ քաղաքացի լինելու, ՀՀ-ում վերջին 4 տարին մշտապես բնակվելու տեղեկանքին, հայերենին տիրապետելու մասին հանգամանքը փաստող փաստաթղթերին:
Այս փաստը նաև վկայում է, թե ինչ անլրջությամբ են քաղաքական ուժերը մոտենում անգամ իրենց սեփական ցուցակներին։
Փոքրաթիվ քաղաքական ուժերից փաստաթղթերի ամբողջ փաթեթը առանց թերությունների են ներկայացրել «Հայաստան» դաշինքը, «Հայոց արծիվներ․ Միասնական Հայաստան» կուսակցությունը։
Երկու քաղաքական ուժերն էլ մանրակրկիտ և պատասխանատվությամբ են մոտեցել ընտրական փաստաթղթերի փաթեթի ձևավորմանը, և սա նրանց պատասխանատվության առհավատչյան է։
Ռուսական բանակային մի ասույթ կա՝ «Կարգապահությունը գալիս է շարքից», իսկ քաղաքական ուժերի դեպքում կարող ենք վերաձևակերպել այսպես՝ «Կարգապահությունը գալիս է փաստաթղթերից»։
Եվ արձանագրենք, որ իշխանությունն անկարող է նույնիսկ մի փաթեթ ճիշտ ձևակերպել, էլ չասած երկիրը ճիշտ կառավարելու անընդունակության մասին։
Ալեքսանդր Ռուբինյան
Փաստաղթերը կիսատ ներկայացրած ուժերի մեջ է նաև իշխող «Քաղաքացիական պայմանագիրը»։ Երեք տարի պետական բոլոր լծակներին տիրապետող, խորհրդարանում ամենամեծ խմբակցությունն ունեցող, սեփական արդարադատության նախարար ու հարյուրավոր փորձագետներ ունեցող քաղաքական ուժը նույնիսկ մի ընտրացուցակ և փաստաթղթեր չի կարողանում նորմալ ձևակերպի և արժանանում է ԿԸՀ դիտողությանը։
www.1or.am
www.1or.am
Արդշինբանկը նվիրաբերում է 120 մլն. ՀՀ դրամ «Հայաստան» համահայկական հիմնադրամին
Զելենսկու խորհրդականն ասել է, որ Պուտինի ներկայացրած «Օրեշնիկ» հրթիռը գոյություն չունի
ԶՊՄԿ-ն՝ հանուն սահմանամերձ գյուղի
Մենք մերժում ենք Փաշինյանի անհայրենիքությունը. Մենուա Սողոմոնյան
ՌԴ ՊՆ-ն հրապարակել է Ուկրաինայի զինված ուժերի` ՄիԳ-29 ինքնաթիռի կործանման կադրերը (տեսանյութ)
Ավելի հեշտ կդառնա էներգիա կորզելը. նոր նյութը գերազանցել է սովորական արևային մարտկոցներին
ՎՏԲ-Հայաստան Բանկը նվազեցնում է վարկերի տոկոսադրույքները փոքր բիզնեսի համար
Պադավատապետության «հայրը» բողոքում է պադավատներից. Փաշինյանի երկերեսանությունը
ԽԾԲՏ՝ քպական ձևով. Կոնջորյանի կնոջը բարձր վարձատրվող աշխատանք են տվել
Դիվանագիտական սկանդալ` Թեհրանի և Մոսկվայի միջև
