Այո, ես չեմ առաջադրվում, իմ անձնական որոշումն է և շնորհակալ եմ կուսակցության ղեկավար Սերժ Սարգսյանին, որ հարգել է իմ որոշումը․ Արմեն Աշոտյան (տեսանյութ)

ՀՀԿ փոխնախագահ Արմեն Աշոտյանը ֆեյսբուքյան էջի ուղիղ եթերում անդրադարձավ ընտրությունների մասնակցությանը, նախընտրական ցուցակին և նշեց, որ ինքը և իր որոշ գործընկերներ չկան ցուցակում։ Նա  նախ նշեց, որ քաղաքականությունը շատ է սիրում, քաղաքականությունը իրենն է։

«Գաղտնիք չի, որ ես դեմ եմ եղել այս ընտրություններին իմ կուսակցության մասնակցությանը։ Մենք ընդդիմադիր ուժերով չպետք է թույլ տայինք այս ընտրությունները, ինչևէ, գնացքը գնացել է, իսկ հիմա ստեղծված իրավիճակում ընտրությունները միակ միջոցն են, որով հնարավոր է իշխանափոխություն անել»,–ասաց նա և նշեց, որ ամեն դեպքում այս ընտրություններին չներքաշվելը համարում է սխալ և շտաբում է աշխատելու։

«Ես չեմ առաջադրվում, բայց պատրաստվում եմ կռծել ցանկացած շակլալի, շնագայլի կոկորդը ով կփորձի նորից թուրքական յաթաղանը քաշել հայկական ինքնության գոյության վրա»,–ասաց նա։

Նա նշեց, որ դեռ դեկտեմբերին Սերժ Սարգսյանին դիմել է, որ իրեն  չդիտարկի իրեն ընտրություններին մասնակցելու դեպքում։

«Այո, ես չեմ առաջադրվում, իմ անձնական որոշումն է և շնորհակալ եմ կուսակցության ղեկավար Սերժ Սարգսյանին որ հարգել է իմ որոշումը»,–ասաց նա և նշեց, որ կեղտոտ շուտ է, որ Արթուր Վանեցյանը չի ուզում որ նրանք ընդրգկվեն և շփումները ճիշտ հակառակն է ցույց տալու։

Նա նաև սուտ համարեց, որ ինքը և իր ընկերները վարկաբեկված են, դրա համար չեն ուզում մասնակցեն։ «Չկա Հայաստանում ավելի մաքրված քաղաքական գործիչ, քան ես եմ, Էդուարդ Շարմազանովը և մեր այլ ընկերներ»,–ասաց նա։

Մանրամասները տեսանյութում։
Ավելին․․․