Ռուսաստանը հայ-ադրբեջանական սահմանի մասին

Ռուսաստանը հայ-ադրբեջանական սահմանային իրադրության հարցում էմոցիաների լարման պատճառ չի տեսնում։ Մոսկվան միաժամանակ, պատրաստ է աջակցել Երեւանին եւ Բաքվին դեմարկացիայի հարցում։ Այս մասին հայտարարել է Ռուսաստանի ԱԳ նախարար Սերգեյ Լավրովը։ «Ոչ մի կրակոց չի եղել։ Ոչ մի միջադեպ չի եղել։ Նստել են, հանգիստ սկսել են պայմանավորվել այն մասին, թե ինչպես կարելի է իրավիճակը լիցքաթափել։ Խնդրել են մեզ աջակցել։ Մեր զինվորականները նման աջակցություն ցուցաբերել են։ Պայմանավորվածություն ձեռք բերվել է։ Ես չեմ տեսնում որեւէ պատճառ այն բանի համար, որպեսզի էմոցիաներ լարել այդ՝ ոչ թե թնջուկային, այլ հանգիստ կարգավորվող հարցում»,- ասել է Լավրովը Սյեռա-Լեոնեի իր գործընկերոջ հետ ունեցած ասուլիսի ժամանակ։ «Ինչ վերաբերում է հայ-ադրբեջանական սահմանին, ապա ադրբեջանական կողմը, այն բանից հետո, երբ տեղի է ունեցել միջադեպը, հայտարարությամբ են հանդես եկել, բացատրել են տեղի ունեցած թյուրիմացությունը եւ ամենակարեւորը, որ սահմանը բացակայում է, որը հնարավոր կլիներ դելիմիտացնել եւ դեմարկացնել։ Ոչ ոք երբեք դրանով չի զբաղվել եւ մենք առաջարկել ենք կողմերին սկսել այդ աշխատանքը եւ պատրաստ ենք աջակցել այդ հարցում՝ տրամադրելով եւ քարտեզագրական նյութ եւ խորհրդատվական ծառայություններ»,- ասել է ՌԴ ԱԳ նախարարը։