Վանեցյանի գլխավորած դաշինքը կարող է լուրջ առանցք դառնալ
Երեկ հայտարարվեց ընտրական նոր դաշինքի ձևավորման մասին։ Հայաստանի հանրապետական կուսակցությունը, որն առանցքային դերակատարում է ունեցել նորագույն պատմության ողջ ընթացքում, և նորաստեղծ «Հայրենիք» կուսակցությունը հուշագիր ստորագրեցին խորհրդարանական առաջիկա ընտրություններում «Պատիվ ունեմ» դաշինքով մասնակցելու մասին։
Միգուցե տարօրինակ կարող է թվալ Հանրապետականի նման հին և ազդեցիկ կուսակցության կողմից նորաստեղծ կուսակցության հետ հավասարը հավասարի պես համագործակցելը, սակայն անհրաժեշտ է փաստել, որ ՀՀԿ-ի ունեցած փորձը և «Հայրենիքի» երիտասարդական ավյունը կարող են լուրջ առանցք ստեղծել ընտրություններին։
ՀՀԿ նախագահ, Հայաստանի երրորդ նախագահ Սերժ Սարգսյանն անձամբ ընտրացուցակում ընդգրկված չէ, որևէ պաշտոնի չի հավակնում։ «Ցուցակում չլինելը չի նշանակում ընտրություններին չմասնակցել։ Նրանք, ովքեր գլխավորում են նախընտրական ցուցակները, հավակնում են պետական բարձր պաշտոններ ունենալ։ Իսկ ես հայտարարել եմ` ես այլևս չեմ զբաղեցնելու պետական բարձր պաշտոն, այլ իմ խորհուրդներով օգնելու եմ, եթե դրա անհրաժեշտությունը լինի»,–ասել է Սարգսյանը և վստահեցրել, որ «Հայրենիք» կուսակցության հետ հավասար դաշնակիցներ են։
Իսկ ընտրական ցուցակը գլխավորելու է «Հայրենիք» կուսակցության նախագահ Արթուր Վանեցյանը։ Ուշագրավ է, որ Սերժ Սարգսյանն էլ է անցել Ազգային անվտանգության ծառայությունով, եղել դրա ղեկավարը։ Իշխանափոխությունից հետո ԱԱԾ ղեկավար դարձած Արթուր Վանեցյանը 1 տարի 4 ամսում զգալի աշխատանք է կատարել։ Չնայած ավելի երիտասարդ տարիքին, լուրջ փորձ ունի անվտանգության ոլորտում։
Հուշագրի ստորագրման արարողությանն ակնառու էր, որ նոր դաշինքը ընտրություների է գնում առավելապես երիտասարդ թիմով, որակյալ կադրերով, ինքնամաքրված և թարմ գաղափարներով։
Այս իմաստով «Պատիվ ունեմ» դաշինքը հավակնում է լրջագույն դերակատարում ունենալ խորհրդարանական արտահերթ ընտրություններում։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Մեր ուժը մեր աշխատակիցներն են. Սենիկ Ասրյան
Ավտոտնակում հիմնադրված հայկական բիզնես. խաղեր՝ իրական շփման համար
ԱՄՆ-ը սպառնում է պատժամիջոցներով Իրանի հետ առևտուր անող երկրներին․ հիմնական թիրախը կարող է լինել Չին...
