Պաղեստինը կոչ է արել արտաքին գործերի նախարարների մակարդակով շտապ հանդիպել մերձավորարևելյան կարգավորման հարցով միջազգային միջնորդների «քառյակին»
Պաղեստինը կոչ է արել արտաքին գործերի նախարարների մակարդակով շտապ հանդիպել մերձավորարևելյան կարգավորման հարցով միջազգային միջնորդների «քառյակին» (Ռուսաստան, ԱՄՆ, ՄԱԿ, ԵՄ)։
Շաբաթ օրը ռուսական «ՏԱՍՍ» լրատվական գործակալությանը հայտնել է Մոսկվայում Պաղեստինի դեսպան Աբդել Հաֆիզ Նոֆալը:
«Մենք կարծում ենք, որ Ռուսաստանի գոյություն ունեցող դիրքորոշումը կառուցողական է, և այն պետք է ոչ միայն պահպանել, այլև՝ զարգացում տալ։ Անհրաժեշտ է կարճ ժամկետներում Մոսկվայում կամ այլ տեղ հրավիրել Մերձավորարևելյան քառյակի հանդիպում նախարարների մակարդակով: Դա անհրաժեշտ է իրադարձությունների վտանգավոր զարգացումը կասեցնելու համար», - ասել է պաղեստինցի դիվանագետը:
Նրա խոսքերով՝ Վաշինգտոնը դեռ չի արձագանքել Մերձավորարևելյան քառյակի հանդիպում անցկացնելու առաջարկին: «Մենք սերտ կապի մեջ ենք այս հարցի վերաբերյալ ռուսական կողմի հետ, բայց մինչ այժմ ամերիկացիները չեն տվել իրենց պատասխանը։ Մենք դեռ նրանց արձագանքին ենք սպասում», - հավելել է դիվանագետը:
Հունվարի 26-ին ելույթ ունենալով Մերձավորարևելյան կարգավորման վերաբերյալ ՄԱԿ Անվտանգության խորհրդի բաց քննարկումներում՝ ՌԴ ԱԳ նախարար Սերգեյ Լավրովն առաջարկել էր նախարարների հանդիպում անցկացնել այս տարվա գարնանը և ամռանը` միջազգային միջնորդների քառյակի, Իսրայելի, Պաղեստինի, Եգիպտոսի, Հորդանանի, Արաբական Միացյալ Էմիրությունների, Բահրեյնի, ինչպես նաև Սաուդյան Արաբիայի մասնակցությամբ՝ որպես Արաբական խաղաղության նախաձեռնության հեղինակի։
Աբդել Հաֆիզ Նոֆալը նշել է, որ Պաղեստինը գնահատում է Թուրքիայի ցուցաբերած աջակցությունը, բայց չի ցանկանում համեմատել ներկայիս սրումը Լեռնային Ղարաբաղում իրավիճակի հետ:
«Մենք չէինք ցանկանա համեմատել իրավիճակը Լեռնային Ղարաբաղում տեղի ունեցածի հետ: Մենք հիանալի հարաբերություններ ունենք Հայաստանի և Ադրբեջանի հետ, ինչպես նաև լավ հարաբերություններ Թուրքիայի հետ: Մենք շնորհակալ ենք և բարձր ենք գնահատում Թուրքիայի դիրքորոշումը պաղեստինյան հարցում», - ասել է նա:
«Մենք բարձր ենք գնահատում Թուրքիայի նախագահ Ռեջեփ Թայիփ Էրդողանի հայտարարությունները Երուսաղեմի, պաղեստինյան խնդրի և Պաղեստինին սատարելու վերաբերյալ: Բայց մենք չէինք խառնի այս թեմաները: Նախագահ Էրդողանի օգտագործած համեմատությունը պարզապես խոսքի պատկեր է», - հավելել է դիվանագետը:
Ավելի վաղ Թուրքիայի առաջնորդը հայտարարել էր, որ Անկարան աջակցում է պաղեստինցիներին նույն տրամադրվածությամբ, որով նախկինում աջակցում էր Ադրբեջանին Լեռնային Ղարաբաղում:
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
