Տեսանյութ. Ո՞ր բևեռում է լինելու Խաչիկ Ասրյանը
Առաջիկա խորհրդարանական ընտրությունները լինելուն են երբևէ եղած ամենաբևեռացված ընտրությունները։ Ընդ որում բևեռները ոչ միայն գաղափարական են լինելու, այլև անձերով պայմանավորված, արտաքին աշխարհաքաղաքական կողմնորոշմամբ պայմանավորված և ի վերջո անգաղափարաբանությամբ պայմանավորված։ Այո, զարմանալ պետք չէ, քանի որ կան ուժեր, որ որևէ գաղափարի չեն դավանում, մեծ հաշվով, հասկանալի չէ, թե ինչ են քարոզում, բայց նրանք կան ու գործում են, հաճախ նաև քաղաքական օրակարգ են ձևավորում և առաջ տանում։
Այդուհանդերձ, իշխանության մասով ամեն ինչ պարզ է՝ չկա գաղափարախոսություն, չկա տեսլական, նույնիսկ չկա ցանկություն դրանցից որևէ մեկն ունենալու։ Քաղաքական դաշտում, իշխանության կողքին հարմարավետ տեղավորվել են նաև Նիկոլի գրպանային ընդդիմադիրները, որոնց վրա դրված է հակառուսականություն քարոզելու գիծը։ Սրանք են այն ուժերը, որոնց գաղափարական հենքը հասկանալի չէ, միայն հակառուսական տրամադրություններ են գեներացնում։ Քաղաքական դաշտի մի քանի ուժեր գոյություն ունեն բացառապես լիդերի շնորհիվ, այսինք ինստիտուցիոնալ առումով «չկա լիդերը, չկա նաև քաղաքական ուժը» իրավիճակն է։ Այստեղ նույնպես գրեթե զրոյական է գաղափարական հենքը։
Երկար չնկարագրելու համար փաստենք, որ Հայաստանում դասական առումով քաղաքական հստակ բևեռներ չկան, օրինակ՝ աջեր, ձախեր, ցենտրիստներ, պահպանողականներ, ազգայնականներ և այլն։ Սակայն առաջիկա ընտրական գործընթացներով պայմանավորված ուրվագծվում են որոշակի բևեռներ, որոնք հենվում են կոնկրետ գաղափարախոսությունների և արժեքների վրա։ Առիթ ունեցել եմ ասելու, որ բազմաթիվ են ինչ-որ «մետ»-երով քաղաքական ուժերը, բայց ազգային արժեքների վրա հենվածները բացակայել են։ Դա է նաև պատճառը, որ մեր երկիրն այսօր այս ողբալի վիճակում է։ Հնարավոր բոլոր ապազգային տարրերն ու երևույթները ներխուժել ու ներմուծվել են հանրային կյանքի գրեթե բոլոր ոլորտներ։
Հիմա ազգային գաղափարների և արժեքների քարոզչությամբ ու ամրապնդմամբ է հանդես գալիս Խաչիկ Ասրյանն իր Հայոց Արծիվներ.Միասնական Հայաստան կուսակցությամբ։ Այսինքն Ասրյանը հանդես է գալիս ազգայնական դիրքերից, ինչը կարող է ի վերջո ձևավորել մի բևեռ, որում կհամախմբվեն հայրենիքի պաշտպանության բոլոր հերոսամարտերով անցած, ազգային արժեքներ դավանող և օտարամոլ ու պետականաքանդ երևույթները մերժող ուժեր և գործիչներ։
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Արգիշտի Քյարամյանը ևս ազատման դիմում է գրել, շուտով այդ մասին պաշտոնապես կհայտարարվի
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
«Ովքեր Նանուլին չեն ճանաչում, մտածում են, որ շփացած աղջիկ է, ինքնավստահ մեկը». Վիկա Մարտիրոսյան
