Բժիշկները նախազգուշացնում են երեխաների մոտ «կեղծ կորոնավիրուսի» մասին

Ռուսաստանցի բժիշկները պատմել են երեխաների մոտ «կեղծ կորոնավիրուսի» հայտնաբերման մասին: Գարնան գալստի հետ, ծնողներն իրենց երեխաների մոտ ալերգիայի ախտանիշները շփոթում են կորոնավիրուսի հետ, Իզվեստիայի հետ զրույցում ասել են բժիշկները:

Խոսքը սնկային ալերգիայի մասին է․ Հաճախ ծնողներն իրենց երեխաների համար սխալ բուժման ռեժիմ են ընտրում ՝ մրսածության առաջին ախտանիշները սխալմամբ ընդունելով կորոնավիրուսի դրսևորման հետ: Ոչ պատշաճ բուժումը սպառնում է ասթմայի առաջացմանը, ուստի ավելի լավ է օգնության համար դիմել մասնագետներին:

«Կորոնավիրուսը երեխաների մոտ հաճախ ավելի մեղմ տեսքով է լինում, քան մեծահասակների մոտ: Ախտանիշները կարող են աղոտ լինել, լղոզվել։ Նախևառաջ անհրաժեշտ է գնահատել համաճարակաբանական իրավիճակը. Մանկապարտեզում կամ դպրոցում վարակի դեպքեր եղել են, թե՝ ոչ, նրանց մոտ, ում հետ երեխան շփվել է վերջին երկու շաբաթվա ընթացքում», - պարզաբանել են փորձագետները:
Բժիշկները խորհուրդ են տալիս ուշադիր հետևել հիվանդության ախտանիշներին: Ալերգիային բնորոշ ախտանիշներն են կարմրությունը, քորի առաջացումը: Կորոնավիրուսի առանձնահատկությունը համի և հոտի կորուստն է: Այնուամենայնիվ, իրավիճակի ցանկացած զարգացման դեպքում արժե կապ հաստատել մասնագետի հետ, որպեսզի խուսափեն ոչ պատշաճ բուժումից և երեխայի վիճակի վատթարացումից, ամփոփել են բժիշկները:
Ավելին․․․