Արտահերթ ընտրությունները կդառնա՞ն «դժոխքի նոր պտույտ»․ «Փաստ»
«Փաստ» օրաթերթը գրում է
«Որևէ պարագայում ես չեմ լինելու Հայաստանում ղեկավար պաշտոնի: Ես կարող եմ լինել ցանկացած պաշտոնյայի խորհրդատու, խորհրդական, բայց ոչ ավելին, իմ ասածը չի նշանակում, որ ես ակտիվ քաղաքականությունից պատրաստվում եմ հեռանալ, իմ ասածը չի նշանակում, որ ՀՀԿ-ն քաղաքական դաշտում կորցնելու է իր ազդեցությունը: Ես էլ եմ լինելու ակտիվ, ՀՀԿ-ն էլ է լինելու էլ ավելի ակտիվ, և եթե առանց կապիտուլ յանտի ընտրություններ լինեն՝ մենք ակտիվորեն մասնակցելու ենք»,- դեռևս փետրվարին ասել էր ՀՀ երրորդ նախագահ, ՀՀԿ նախագահ Սերժ Սարգսյանը: Հիմա քաղաքական ուժերից շատերը պատրաստվում են արտահերթ ընտրությունների: Ի վերջո, իսկ ի՞նչ դիրքորոշում ունի այսօր ՀՀԿ-ն: Այս հարցը կուսակցության փոխնախագահ Արմեն Աշոտյանը համարում է բազմաթիվ անհայտներով հավասարում: «Մի քանի հարցեր կան. ընտրություններ լինելո՞ւ են, թե՞ ոչ, այդ ընտրություններին մասնակցելու իմաստն ու նպատակը ո՞րն է լինելու, հականիկոլական կոալիցիան հաղթելու շանսեր ունենալո՞ւ է, թե՞ ոչ, երաշխիքներ, որ այդ ընտրությունները չեն կեղծվելու, լինելո՞ւ են, թե՞ ոչ»,- օրերս իր հարցազրույցներից մեկում ասել էր Աշոտյանը, ով ընտրություններին նախապատրաստվելու ներկա փուլը համարում է տենդ: Ըստ Աշոտյանի, ՀՀԿ-ն կմասնակցի միայն այն դեպքում, եթե տեսնեն, որ իրենց մասնակցությամբ կարող են փոխել Հայաստանի՝ դեպի կործանում տանող ճանապարհը: Սակայն ընտրությունների թեման նա միրաժ է համարում՝ նշելով, որ ՀՀԿ-ն դեռ չի շտապում: Ի դեպ, ուշագրավ է, որ Աշոտյանի կարծիքով, ընդդիմադիր դաշտում առկա է ՀՀԿ-ի հաշվին դիրքավորվելու խնդիր: Ինչ վերաբերում է ընդհանրապես ընդդիմադիր դաշտին, ապա, նույն հարցազրույցում Աշոտյանն ասել է, որ եթե ընդդիմությունը լինի միասնական, Նիկոլ Փաշինյանը չի կարող իր ուզածով քաղաքական սցենար գծել: ՀՀԿ փոխնախագահի համոզմամբ, կարելի է կանխել Նիկոլ Փաշինյանի սցենարով ընտրությունները, քանի որ դրանք հարց չեն լուծելու: «Դրանք դժոխքի նոր պտույտ են լինելու, 9-րդ շրջանն են լինելու», ասում է նա՝ հավելելով, որ եթե ՀՓՇ մասնակից կուսակցությունները չեն մասնակցում այս ընտրություններին, ապա դրանք կորցնում են իրենց լեգիտիմությունը: Ըստ Աշոտյանի, «Նիկոլ Փաշինյանը չի կարող իր գրպանի շներով ընտրություն բեմադրել»: Նա կարծում է, որ այս պայքարը չպետք է լինի «երկու ճաղատների պայքար՝ սանրի համար»: Թե ում նկատի ունի, նա չի բացում փակագծերը՝ վստահ, որ հասկացողը հասկացավ։
Ավելին․․․
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Ուժեղ Հայաստան» կուսակցության քարոզարշավը․ ուղիղ
Մերժում ենք թուլությունը, սուտն ու կեղծիքը, ընտրում ենք արժանապատիվ և ուժեղ Հայաստանը․ Ավետիք Չալաբյ...
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
