Արտակ Թովմասյանի ձեռնարկած նախագիծը բավականին հեռանկարային է, հայրենասիրական է. Վարդան Այվազյան

Մամուլում շրջանառվում է տեղեկություն այն մասին, որ «Երրորդ ուժ» քաղաքացիական նախաձեռնությունը պառակտվել է, քանի որ դրա որոշ անդամները առանձնացել են։ «Երրորդ ուժ» քաղաքացիական նախաձեռնության անդամներից մեկն էլ ԵՊՀ սահմանադրական իրավունքի ամբիոնի վարիչ Վարդան Այվազյանն է, որից ԼՈՒՐԵՐ․com-ը փորձեց ճշտել՝ արդյոք շարունակում է համագործակցել «Երրորդ ուժ»-ի շրջանակներում, թե ոչ։

«Մինչև «Երրորդ ուժ» նախաձեռնությունը՝ ես, որպես անհատ քաղաքացի, անդամակցում էի «Հայահավաք» շարժմանը: Այնուհետև այդ շարժման մասնակիցների կազմում հանդիպում ունեցանք Արտակ Թովմասյանի հետ և քննարկումների արդյունքում «Հայահավաք» շարժումը՝ իր նախաձեռնողների կազմով որոշեց միանալ «Երրորդ ուժ»-ի քաղաքացիական նախաձեռնությանը»,-նշեց «Երրորդ ուժ» քաղաքացիական նախաձեռնության անդամ Վարդան Այվազյանը։

Ըստ Վարդան Այվազյանի խոսքերի, երբ «Հայահավաքը» միացավ «Երրորդ ուժ» քաղաքացիական նախաձեռնությանը այդ ժամանակ ներկայացուցիչների համատեղ գործելու պայմանավորվածությունները եղան բացառապես, քաղաքացիական շարժման ձևաչափում, որի թիվ մեկ խնդիրը վարչապետի հրաժարակին հասնելն էր․ «Հետագայում, երբ արդեն սկսվեց քննարկվել, թե ինչպիսի քաղաքական ճանապարհ պետք է անցնեն, այդ ժամանակ արդեն Արտակ Թովմասյանը նշեց, որ քաղաքական ուղին պատրաստվում է անցնել միայնակ՝ իր կողմից ձևավորվելիք քաղաքական թիմով, որը ներկայում լծված է կուսակցության շինարարության գործին, և որ քաղաքական ճանապարհ անցնելու առումով իր պատկերացումները փոքր-ինչ այլ են։ Նա պնդեց, որ«Երրորդ ուժ»-ի շրջանակներում Արամ Սարգսյանի, Արագած Ախոյանի, Արշակ Զաքարյանի և Տիգրան Չոբանյանի հետ համագործակցությունը տեսնում է միայն քաղաքացիական շարժման, այլ ոչ թե քաղաքական  դաշինքի ձևաչափում»,- ասաց Վարդան Այվազյանը՝ հավելելով, որ «Հայահավաքի» ներկայացուցիչները այդ խոսակցությունից հետո քաղաքակիրթ ձևով առանձնացան «Երրորդ ուժ»-ից։

Մեր այն հարցին, թե ինքը արդյոք չի պատրաստվում միանալ իր գործընկերներին՝ «Հայահավաքին» և  հեռանա «Երրորդ ուժ» քաղաքացիական նախաձեռնությունից, պատասխանեց․ «Ես բավականին երկար զրուցեցի Արտակ Թովմասյանի հետ, որից հետո հասկացա, որ Արտակ Թովմասյանի ձեռնարկած նախագիծը բավականին հեռանկարային է, հայրենասիրական է։ Ես մեծ հաճույքով համաձայնեցի աջակցել կուսակցաշինության գործընթացին և հիմա՝ այս պահի դրությամբ, բավականին հագեցած գրաֆիկով լծված եմ այդ գործին, միևնույն ժամանակ ուզում եմ նշել, որ անհրաժեշտության դեպքում պատրաստ եմ իմ գիտելիքները ծառայեցնել նաև ոչ միայն «Հայահավաք»-ի իմ ընկերներին, այլև ցանկացած հայրենասիրական առաքելության, որն ուղղված է պետականության վերականգնմանը»,- ասաց Վարդան Այվազյանը՝ նշելով, որ թե՛ «Հայահավաքի» կազամակերպության  և թե՛ «Երրորդ ուժ»-ի ներկայացուցիչները հայրենասիրական արդար մղումներով շարժվող մարդիկ են, որոնք փորձ են անում ժամ առաջ մեր երկիրը դուրս բերել այս ճգնաժամային իրավիճակից։

Հիշեցնենք, որ «Երրորդ ուժ» քաղաքացիական նախաձեռնությունը ձևավորել էր վերջերս՝ «Թովմասյան» հիմնադրամի նախագահ Արտակ Թովմասյանի կողմից։ «Երրորդ ուժը» ընդդիմադիր նախաձեռնություն է, որի մաս էին կազմել նաեւ «Հայահավաք» նախաձեռնության անդամները՝ Արագած Ախոյանը, Դեմոկրատական կուսակցության առաջնորդ Արամ Գասպարի Սարգսյանը, Արշակ Զաքարյանը, և այլք։ 

Զվարթ Պետրոսյան

Մենք ստեղծելու ենք նոր քաղաքական օրակարգ և համախմբենք միանգամայն նոր մարդկանց. Արտակ Թովմասյան

Պարո՛ն Փաշինյան, Դուք դարձել եք պարտության և կապիտուլյացիայի խորհրդանիշ. Արտակ Թովմասյան

Հայաստանում նրանց իշխանավարության ամեն մի ժամը բերելու է նորանոր խայտառակ ձախողումների. Արտակ Թովմասյանը՝ ՀՀ իշխանությունների մասին

Նիկոլ Փաշինյանին կա՛մ խաբում են, ենթարկում շանտաժի և ստիպում ստորագրել փաստաթղթեր, կա՛մ այս սցենարը նրան ձեռնտու է. Արտակ Թովմասյան

Մենք անելու ենք ամեն ինչ, որպեսզի այսուհետ քաղաքականության մեջ լինեն խաղի նոր կանոններ. Արտակ Թովմասյան

Մեր նոր քաղաքական թիմով մասնակցելու ենք արտահերթ խորհրդարանական ընտրություններին. Արտակ Թովմասյան

Մեր նոր ձևավորվող քաղաքական թիմում կարևորվելու են հոգևոր և ազգային արժեքները. Արտակ Թովմասյան

Տնտեսական լարվածությունն ավելի է խորացնում արտագաղթի տեմպերը․ մեր թիմը մշակում է զարգացման ծրագրեր․ Արտակ Թովմասյան

Արտակ Թովմասյանը և իր թիմի՝ IT ոլորտի մասնագետներն առաջ են քաշել Հայաստանի հետագա զարգացման համար անհրաժեշտ և առաջնահերթ քայլեր

Ստի, կեղծիքի և պարտության սիմվոլ իշխանությունը օր առաջ պետք է հրաժարական տա. Արտակ Թովմասյան

Արմեն Սարգսյանը հանդիպել է Արտակ Թովմասյանի հետ (տեսանյութ)

Գործարարները, որոնք այսօր որոշակի կապեր ունեն իշխանության հետ, հետագայում պետք է չվախենան իրենց բիզնեսի համար. Արտակ Թովմասյան