Արամյանը 80 հազար դոլար փոխառություններ ունի. «Փաստ»

«Փաստ» օրաթերթը գրում է.

Ֆինանսների նախարար Վարդան Արամյանը նախորդ տարի 80 հազար ԱՄՆ դոլարի չափով փոխառություններ է ունեցել: Այդ մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:

Նախարարը նախորդ տարի դրամական միջոցներ չի ունեցել: Տարեկան եկամուտները ստացվել են 13 միլիոն 917 հազար դրամ աշխատավարձից, 1 միլիոն 260 հազար դրամ և 1340 եվրո տրված փոխառությունների (վարկերի) դիմաց ստացված տոկոսից և 8 հազար եվրո այլ եկամուտներից:

Արամյանի կինը՝ Իզաբելլա Հովհաննիսյանը, նույնպես նախորդ տարի փոխառություններ է ունեցել, սակայն նույն տարվա ընթացքում էլ դրանք իրեն հետ են վերադարձրել: Ըստ նրա հայտարարագրի՝ 2016 թ. սկզբին ունեցել է 40 հազար ԱՄՆ դոլար փոխառություններ, որոնք մինչև տարեվերջ վերադարձվել են:

Ի տարբերություն նախարար ամուսնու՝ Իզաբելլա Հովհաննիսյանը հայտարարագրել է 30 հազար եվրո և 40 հազար ԱՄՆ դոլար դրամական միջոցներ, իսկ իր տարեկան եկամուտներն էլ գոյացել են 408 հազար դրամ և 19 հազար 800 եվրո աշխատավարձից և 2 հազար 232 եվրո տրված փոխառությունների (վարկերի) դիմաց ստացված տոկոսից:

Շարունակությունը` «Փաստ» օրաթերթի այսօրվա համարում: