Վարչապետի զայրույթը. «Փաստ»
«Փաստ» օրաթերթը գրում է.
Ասում են կառավարության նիստում վարչապետը զայրացել է: Պատճառը «Արաքս» ՓԲԸ–ի օտարումն է: Պարզվում է, որ այս ընկերությունը գործում է արդեն 17 տարի, սակայն զբաղվում է ոչ մի բանով: Բավական հետաքրքիր զբաղմունք է, ի դեպ: Այս առումով իսկապես էլ տեղին է վարչապետի զայրույթը, սակայն մյուս կողմից արդյոք զայրանալով, երկրում իրավիճակ կփոխվի՞: Այս հարցի շուրջ թույլ տվեք չհամաձայնել, քանի որ եթե 15–20 տարի առաջ միայն վարչապետի զայրույթը բավական էր որոշակի գործողություն սկսելու համար, ներկայում իրավիճակը բոլորովին այլ է:
Տարիների ընթացքում հայաստանյան պետական կառավարման համակարգը դարձել է կուռ ու փակ կառույց, որտեղ կարգադրությունները, հանձնարարականներն ու վերադասի զայրույթն այլևս չեն կարող արմատական փոփոխությունների բերել, քանի որ հայաստանյան խնդիրների գերակշիռ մասը համակարգային է և գլոբալ: Նույն «Արաքս» ընկերության պարագայում թերևս ամեն ինչ կսահմանափակվի վարչապետի զայրույթով և ընկերության օտարմամբ, սակայն այդպես էլ հայտնի չի դառնա, թե ինչ իրական նպատակների համար է այն ստեղծվել, ինչ ֆինանսական ռեսուրսներ են «լվացվել» այս ընկերության միջոցով:
Սա բավական լուրջ խնդիր է, քանի որ մանրազնին ուսումնասիրության արդյունքում կարող են հայտնվել տասնյակ գուցե և հարյուրավոր նմանատիպ ընկերություններ, որոնք ստեղծվել են տարիներ առաջ և չեն գործում: Որպես կանոն այդօրինակ ընկերությունները ստեղծվում են մեկ կամ մի քանի գործարքի ու կոնկրետ նպատակի համար, որի իրականություն դառնալուց հետո այլևս կորցնում են պիտանիությունը:
Այս տեսանկյունից այսօրինակ ընկերությունների խնդիրը ոչ միայն մի քանի աշխատողի հաստիքն է, որոնք վճարվում են պետբյուջեից, այլ հենց այն բուն նպատակը, որի համար դրանք ստեղծվում են: Անշուշտ, կարևոր է նաև, որպեսզի նման հաստիքների վրա պետությունը միջոցներ չվատնի, սակայն այսուհանդերձ թերևս շատ ավելի էական է, բացահայտել այդ ընկերությունների բոլոր մութ գործարքները՝ առաջիկայում էլ տարատեսակ մեքենայություններ կամ գուցե և լայն մասշտաբի խարդախություններ թույլ չտալու համար:
Արդյոք վարչապետի զայրույթը բավարար է նման խնդիրներ վեր հանելու համար, թերևս ցույց կտա ժամանակը:
Շարունակությունը` «Փաստ» օրաթերթի այսօրվա համարում:
Փոփոխությունները սկսվելու են Ստեփանավանից. Տիգրան Աբրահամյան
Իշխանական օրակարգի սպառումն ու Սամվել Կարապետյանի քայլը. ո՞րն է լինելու քաղաքական հանգուցալուծումը. ...
Իշխանությունները քրիստոնեական հավատը ամեն կերպ փորձում են արատավորել. Արմեն Մանվելյան
Փաշինյանի վարած սխալ քաղաքականությունից տուժում ենք մենք՝ հասարակ քաղաքացիներս. Ավետիք Չալաբյան
Բուլղարացի փորձագետը մրցանակ կստանա թռիչքների անվտանգության համար
Կոնվերս Բանկը COP17-ում ներկայացնում է կայուն ֆինանսավորման փորձը
Հայ ժողովրդին հուզող բազում հարցերի պատասխանները միջազգային հանրության տիրույթում են. Մենուա Սողոմոն...
Ճակատենի անտառպետության տարածքում հայտնաբերվել են ապօրինի հատված ծառեր
Քարի վրա՝ ինքնություն, թելերի մեջ՝ պատմություն․ «Թովմասյան» հիմնադրամը մասնակցում է COP17-ին
Toyota Prius-ը բախվել է մի քանի մեքենայի և վրաերթի ենթարկել հետիոտնի․ տուժածի վիճակը ծայրահեղ ծանր է
