Տարոն Մարգարյանի շքեղ նվերը՝ Լևոն Քոչարյանին
Հանրային հեռուստաընկերությունը տեղեկություն է հայտնել, որ Երեւանի քաղաքապետարանի, վարչական շրջանների ղեկավարների աշխատակազմերի աշխատակիցները, քաղաքապետարանի ենթակայությամբ գործող թատրոնների եւ թանգարանների աշխատակիցները կստանան բժշկական ապահովագրություն: Ապահովագրությունը կսպասարկվի համայնքային բյուջեի հաշվին:
Երեւանի համայնքային բյուջեի հաշվին ապահովագրական այդ ծառայությունը տրամադրելու է մեկ ընկերություն՝ «Նաիրի ինշուրանսը», որն ըստ տեղեկության հաղթող է ճանաչվել Երեւանի քաղաքապետարանի հայտարարած մրցույթում:
Ուշագրավն այն է, որ «Նաիրի ինշուրանս» ապահովագրական ընկերության բաժնետեր եւ խորհրդի անդամ է Հայաստանի երկրորդ նախագահ Ռոբերտ Քոչարյանի որդին՝ Լեւոն Քոչարյանը:
Փաստացի, Երեւանի քաղաքապետարանը այդ ընկերության համար իր ապահովագրական ծրագրով ապահովել է մենաշնորհային ծառայություն: Հետաքրքիր է, թե ինչու՞ պետք է ապահովագրական ծառայությունը հատկացներ հենց մեկ ընկերություն, ինչու պետք է ապահովագրություն ստացող մարդը հնարավորություն չունենար օգտվել այլ ընկերությունների ծառայություններից, ինչու էր պետք ընտրել մրցույթով մեկ ընկերություն որոշելու տարբերակը՝ որ ընկերությունն էլ որ լիներ այդ մրցույթի հաղթող:
Ըստ երեւույթին, Երեւանի քաղաքապետ Տարոն Մարգարյանը մասնագիտանում է տարբեր ընկերություններին մենաշնորհներ տամադրելու գործում: Բանն այն է, որ ամիսներ առաջ էլ նա Երեւանի փողոցային կայանատեղիների կազմակերպման գործի մենաշնորհը տվեց «Փարքինգ Սիթի Սերվիս» ընկերությանը, որը պատկանում է ԴԱՀԿ պետ Միհրան Պողոսյանին, ում քեռին էլ Սերժ Սարգսյանի մանկության ընկերն է:
Այդպիսով, Երեւանում փողոցային կայանատեղիների կամ այսպես ասած կարմիր գծերի մենաշնորհը տրվել է այդ ընկերությանը, որին է բաժին հասնում կայանատեղիների վճարների 70 տոկոսը: Այսինքն, վճարը ձեւակերպվում է այսպես ասած համայնքային տուրք, որի 70 տոկոսը սակայն համայնքից դուրս է գալիս եւ գնում է մասնավոր այդ ընկերությանը:
Թեեւ սա ուղղակի միլիոնատերերի համերաշխության ակտ է, որ ցուցաբերում է Տարոն Մարգարյանը՝ Հայաստանի իշխանության ամենահարուստ մարդկանցից մեկը:
Ucom-ն ընդլայնում է միջազգային ռոումինգի հնարավորությունները
Աստված պահապան մեր հրաշք Հայաստանի Հանրապետությանը. Ուժեղ Հայաստան վստահաբար ունենալու ենք. Արամ Վար...
Սաուդյան Արաբիան, Թուրքիան և Պակիստանը համատեղ պաշտպանության մասին համաձայնագիր են կնքել. Արտակ Զաքա...
Մենք չենք տրվելու թուրք-ադրբեջանական պարտադրանքին. Ավետիք Չալաբյան
Օդի ջերմաստիճանը կնվազի․եղանակն՝ առաջիկա օրերին
Ազատազրկումը՝ որպես քաղաքական գործիք. Ավետիք Չալաբյանի գործը և մարդու իրավունքների ճգնաժամը
Դատական նիստից հետո Մայր Տաճարում Վեհափառ Հայրապետը աղոթք է հնչեցնում ժողովրդի հետ
«Սմայլ Սվիթ»-ի զարգացման ճանապարհը Կոնվերս Բանկի գործընկերությամբ
Վարչախմբի համար քաղաքական խնդիրները լուծվում են միայն վախի առկայությամբ. Անահիտ Ադամյան
ՀՀ տարածքի 57 քկմ-ը ո՞ր թղթով է վերացել, ու՞մ է գնացել. Արթուր Խաչատրյանը՝ Արուսյակ Ջուլհակյանին
