«Հայոց Արծիվներն»՝ Ազգային-Քրիստոնյա բևեռ
Հայաստանը և Հայաստանի քաղաքական դաշտն այլևս այն չեն, ինչ կային մինչև 2020 թվականի սեպտեմբեր-հոկտեմբեր-նոյեմբերյան պատերազմը: Նույն պատերազմից հետո՝ Հայ ազգը, ցավոք, կորուստների ու պարտության գնով զարթնեց թմբիրից՝ հասկանալով, որ 2018 թվականի ապրիլ-մայիս ամիսներին Հայաստանում տեղի ունեցածը ոչ թե անցյալի արատները մերժող, նոր և հզոր Հայաստանի կառուցմանը միտված հեղափոխություն էր, այլ արևմտյան գործակալների ու դրածոների կազմակերպած, Հայաստանը կործանելու և Արցախը թուրքին հանձնելու ծրագրով կոդավորված հեղաշրջում, իսկ ՀԱՅԸ՝ հակազգային ու հայաստանակործան այդ ներկայացման անգիտակից մասնակիցն ու հանցակիցը:
Հայրենիքի կորստի ցավից գալարվող ու հուսահատության շեմին հասած Հայ ազգին, որն այլևս մերժում է Հայաստանի գործող ամերիկահպատակ ու թրքապաշտ իշխանությանը, հիմա էլ փորձում են մանիպուլյացիաների միջոցով ուղղորդել դեպի նախորդ՝ կոռումպացված, թալանչի, զորացրված իշխանություններ: Ժողովրդին փորձում են վախի ու սարսափի ներարկման միջոցով ներշնչել, որ ինքը չունի զարգացող պետություն և ազգային-քրիստոնյա հասարակություն կառուցելու հեռանկար, ու առավելագույնն, ինչին ինքը կարող է հավակնել, ընդամենն անվտանգ գոյություն քարշ տալն ու ֆիզիկական թշվառ գոյության պաշտպանությունն է լինելու:
«Ոչինչ, որ նախկին իշխանությունների ժամանակ չկար արդարություն, այսինքն, Հայաստանը կոռումպացված էր ու դատապարտված անհեռանկար գոյության, բայց գոնե դուք և ձեր երեխաները համեմատաբար պաշտպանված էիք և կարող էիք հույս ունենալ՝ մինչև ծերություն քարշ տալ ձեր անիմաստ ու անհեռանկար գոյությունը»,-ահա՛ սա է Հայաստանի նախկին իշխանությունների թալանչի ու Հայրենիքի պաշտպանությունից փախած մարդկանց կողմից, այսպես կոչված, ընդդիմադիր քարոզչության ողջ իմաստը: Հայ ժողովրդին փորձում են ներշնչել, որ ինքը Հայաստանի քաղաքական այսօրվա դաշտում ունի ընդամենը կամ-կամ-ի ընտրության հնարավորություն. կա՛մ նորից ընտրում է քաղաքական գերեզմանից արձակուրդ եկած քաղաքական դիակ, ամերիկահպատակ Փաշինյան Նիկոլին՝ իր սորոսածին լակոտակրատիայով, կա՛մ էլ Հայաստանի նախկին իշխանությունների կոռումպացված, թալանչի, Հայրենիքի պաշտպանությունից փախած մարդկանց:
«Հայոց Արծվներ. Միասնական Հայաստան» կուսակցությունը մերժո՛ւմ է Հայ ժողովրդին պարտադրվող այս կեղծ ու արհեստածին երկընտրանքը, հայտարարելով, որ մերժված անցյալի ու խայտառակ ներկայի միջև ընտրությունը պետք է կատարվի հօգուտ հզոր և արժանապատիվ ապագայի, հօգուտ ազգային քրիստոնեական արժեքներ դավանող և սրբորեն պահպանող Ազգային-Քրիստոնյա բևեռի՝ ի դեմս «Հայոց Արծվներ. Միասնական Հայաստան» կուսակցության:
Հայաստանում, առաջիկա Ազգային Ժողովի արտահերթ ընտրություններին, Հայ ժողովուրդը պետք է արդար ընտրություն կատարի անցյալի, ներկայի և ապագայի միջև, և մենք առավել քան վստահ ենք, որ արդար ընտրությունը լինելու է հենց Ազգային-Քրիստոնյա արժեքները՝ Հայրենիք, Ընտանիք, Եկեղեցի, դավանող, դրանք սրբորեն պահպանող և տարածող, Հայաստանի և Հայ ազգի անվտանգությունն անսասան պաշտպանող «Հայոց Արծիվների» օգտին:
«Հայոց Արծիվներ. Միասնական Հայաստան» կուսակցության Նախագահ՝ Խաչիկ Ասրյան
Զելենսկու խորհրդականն ասել է, որ Պուտինի ներկայացրած «Օրեշնիկ» հրթիռը գոյություն չունի
ԶՊՄԿ-ն՝ հանուն սահմանամերձ գյուղի
ՌԴ ՊՆ-ն հրապարակել է Ուկրաինայի զինված ուժերի` ՄիԳ-29 ինքնաթիռի կործանման կադրերը (տեսանյութ)
Ավելի հեշտ կդառնա էներգիա կորզելը. նոր նյութը գերազանցել է սովորական արևային մարտկոցներին
ՎՏԲ-Հայաստան Բանկը նվազեցնում է վարկերի տոկոսադրույքները փոքր բիզնեսի համար
Վախենում ես՝ մի արա, անում ես՝ մի վախեցիր, իսկ եթե արել ես, մի ափսոսա․ Ռոմանոս Պետրոսյան
Պադավատապետության «հայրը» բողոքում է պադավատներից. Փաշինյանի երկերեսանությունը
ԽԾԲՏ՝ քպական ձևով. Կոնջորյանի կնոջը բարձր վարձատրվող աշխատանք են տվել
Դիվանագիտական սկանդալ` Թեհրանի և Մոսկվայի միջև
Նիկոլի գործը բացառապես քանդելն է, ոչ թե բարեփոխելը․ Արմեն Հովասափյան
