Վարչապետն այսօր ունի ամենաբարձր վարկանիշը առկա քաղաքական գործիչներով. Ալեն Սիմոնյան
Դուք հիմա սպառնո՞ւմ եք: Այս մասին այսօր՝ փետրվարի 9-ին, ԱԺ-ում լրագրողների հետ ճեպազրույցի ժամանակ նշեց ԱԺ փոխխոսնակ Ալեն Սիմոնյանը՝ անդրադառնալով լրագրողի հարցին, թե եթե իշխանությունը հրաժարվում է արտահերթ ընտրություններ անցկացնել եւ փակում է սահմանադրական ճանապարհով իշխանափոխության ճանապարհը, չի՞ կարծում, որ իրենց ավելի վատ բաներ են սպասվում:
«Ես կասկածում եմ, որ դուք ներկայացնում եք հանրության մեջ տիրող տրամադրությունը: Դուք կոնկրետ ինչ-որ շրջանակի տրամադրություն եք մեջբերում: Ինչ վերաբերում է արտահերթ ընտրություններին, ապա հենց մենք ենք առաջարկել այդ գաղափարը, իսկ ընդդիմությունը մերժել է»,-ասաց նա:
Հարցին, թե արդյոք իր որոշմամբ իշխանությունը չի փակում սահմանադրական ճանապարհով իշխանափոխություն իրականացնելու հնարավորությունը, Ալեն Սիմոնյանը պատասխանեց. «Այսինքն երբ մենք առաջարկում էինք արտահերթ ընտրությունների գնալ եւ ընդդիմությունը դա մերժում էր, դրանով չէր փակվո՞ւմ սահմանադրական ճանապարհը: Ըստ էության, ընտրված իշխանությունը չունենալով արտահերթ ընտրություններ անցկացնելու ընդդիմության պահանջ, հայտարարում է, որ եթե նման պահանջ չկա, մենք շարունակում ենք աշխատել, դա հակասահմանադրակա՞ն է: Երբ որ մեր գործընկերները պատրաստ կլինեն քննարկել նման բան, մենք կքննարկենք այդ քննարկումը վերսկսելու հարցը: Քանի դեռ պատրաստ չեն, «Իմ քայլը» ունի իր վարչապետին: Եթե այլ կարծիք, մենք այդ հնարավորությունը ստեղծեցինք, ընդդիմությունը չարձաքանքեց: Ես լսել եմ ընդդիմության առաջարկը՝ թող Նիկոլ Փաշինյանը հրաժարական տա: Ես էլ ասում եմ՝ թող իրենք բոլորով հրաժարական տան, որովհետեւ ոչ մի կապ չունեն ՀՀ ժողովրդի հետ: Այո, վարչապետն այսօր ունի ամենաբարձր քաղաքական վարկանիշը առկա քաղաքական գործիչներով: Չբացառելով, որ «Իմ քայլի,» եւ մնացած ուժերի վարկանիշը որոշակի առումով իջել է, բայց ես պնդում եմ, որ յսօր վարչապետն ունի ամենաբարձր վարկանիշը»:
Հարցին, թե ինչո՞ւ են պարտադրում ընդդիմադիրներին, որ Նիկոլ Փաշինյանի հրաժարականի դեպքում վարչախպետի թեկնածու չառաջադրեն, Ալեն Սիմոնյանը պատասխանեց. «Որովհետեւ ուզում ենք զերծ պահել քաղաքական դաշտը ավելորդ ցնցումներից»:
Զելենսկու խորհրդականն ասել է, որ Պուտինի ներկայացրած «Օրեշնիկ» հրթիռը գոյություն չունի
ԶՊՄԿ-ն՝ հանուն սահմանամերձ գյուղի
ՌԴ ՊՆ-ն հրապարակել է Ուկրաինայի զինված ուժերի` ՄիԳ-29 ինքնաթիռի կործանման կադրերը (տեսանյութ)
Ավելի հեշտ կդառնա էներգիա կորզելը. նոր նյութը գերազանցել է սովորական արևային մարտկոցներին
ՎՏԲ-Հայաստան Բանկը նվազեցնում է վարկերի տոկոսադրույքները փոքր բիզնեսի համար
Վախենում ես՝ մի արա, անում ես՝ մի վախեցիր, իսկ եթե արել ես, մի ափսոսա․ Ռոմանոս Պետրոսյան
Պադավատապետության «հայրը» բողոքում է պադավատներից. Փաշինյանի երկերեսանությունը
ԽԾԲՏ՝ քպական ձևով. Կոնջորյանի կնոջը բարձր վարձատրվող աշխատանք են տվել
Դիվանագիտական սկանդալ` Թեհրանի և Մոսկվայի միջև
Նիկոլի գործը բացառապես քանդելն է, ոչ թե բարեփոխելը․ Արմեն Հովասափյան
