ՀՀ քաղաքացիների մուտքը դեպի ՌԴ բացվում է

«Արմենիա» ավիաընկերության փոխտնօրեն Գևորգ Խաչատրյանը հայտնում է, որ ՀՀ քաղաքացիների մուտքը դեպի ՌԴ բացվում է փետրվարի 1 ից։

«Covid 19 թեստի բացասական արդյունքի առկայությունը պարտադիր է»,-նշել է նա։

ՌԴ կառավարության որոշմամբ՝ մուտքը թույլատրվում է փետրվարի 1-ից մինչև մարտի 1-ը ներառյալ։

Հիշեցնենք, որ ավելի վաղ հայտնել էինք, որ Ռուսաստանը վերացնում է մուտքի սահմանափակումները Ֆինլանդիայի, Հնդկաստանի, Քաթարի և Վիետնամի քաղաքացիների համար, հայտնել է Ռուսաստանի կառավարությունը երկուշաբթի օրը՝ հունվարի 25-ին:

«Եվս չորս երկրների ՝ Ֆինլանդիայի, Վիետնամի, Հնդկաստանի և Քաթարի քաղաքացիների համար վերացվում են Ռուսաստան մուտքի սահմանափակումները, որոնք ներդրվել են կորոնավիրուսի տարածման պատճառով», – ասված է նախարարության պաշտոնական կայքի տարածած հայտարարությունում:

Ինչպես նշված է, հրամանը ստորագրել է վարչապետ Միխայիլ Միշուստինը:

Այս երկրների քաղաքացիները և այնտեղ բնակության թույլտվություն ունեցողները կարող են անցնել Ռուսաստանի սահմանը օդային անցակետերի միջոցով: Բացի այդ, ռուսները հնարավորություն են ստանում մեկնել նշված չորս երկրներից որևէ մեկը:

Ռուսաստանում մարտ ամսին դադարեցվել էին կանոնավոր և չարտերային թռիչքները՝ աշխարհում կորոնավիրուսի տարածման պատճառով:

Ավելին՝ այստեղ