Լեզուների բարձրակարգ դասավանդման, մրցունակ կադրերի պատրաստման լավագույն առաջարկը «Յունիվերս» լեզվի կենտրոնի կողմից

Աշխարհի հետ գրագետ և անկաշկանդ հաղորդակցվելու լավագույն ճանապարհը լեզուների իմացությունն է: Այս սկզբունքով արդեն շատերն են առաջնորդվում: «Յունիվերս» լեզվի կենտրոնում (ULC) յուրաքանչյուրին հաջողության հասցնելու նպատակը դառնում է առաջնահերթություն: Այստեղ ջանք չեն խնայում կարճ ժամանակահատվածում մեծ արդյունքներ գրանցելու համար:

 

«Յունիվերս» լեզվի կնետրոնը գործում է 2016 թ-ից: Գործունեության 5 տարիների ընթացքում կենտրոնն առաջարկել ու իր ուսանողներին մատուցել է միջազգային չափանիշներին համապատասխան, նորագույն մեթոդներով լեզուների ուսուցում, թրեյնինգներ ու վերապատրաստման դասընթացներ:

 

Կենտրոնում ուսուցանվում է գերմաներեն, անգլերեն և ռուսերեն:

 

Կենտրոնն այսօր առաջարկում է լեզուների ընդհանուր դասընթացներ, ինչպես նաև անգլերեն` հատուկ նպատակների համար (ESP), բիզնես անգլերեն, բիզնես գերմաներեն, բժշկական գերմաներեն, անգլերեն և գերմաներեն պատանիների համար, միջազգային քննությունների նախապատրաստական դասընթացներ`

 

TOEFL , IELTS, PTE (անգլերեն) և ÖSD, TestDaf (գերմաներեն), Geothe Zertifikat:

 

«Յունիվերս» կենտրոնը հանդիսանում է INTESOL միջազգային բրիտանական կազմակերպության միակ պաշտոնական ներկայացուցիչը Հայաստանում և Արցախում, ինչը մեզ թույլ է տալիս կազմակերպել TESOl-ի և TEFL-ի դասընթացներ, որոնք վերապատրաստման դասընթացներ են անգլերենի ուսուցիչների համար: Ունենք տարբեր ժամաքանակներով դասընթացներ` 120, 140, 150, 180, 190 ժամ: Այն միջազգային սերտիֆիկատ է, որը հնարավորություն է տալիս նաև աշխատանքը շարունակել արտերկրում: », - ասում է կենտրոնի տնօրեն Քրիստինե Մկրտչյանը:

 

Խոսելով կենտրոնի առավելությունների մասին, հարկ է նշել, որ կենտրոնը միակն է Հայաստանում, որ իրականացնում է անգլերեն լեզվի դասընթացներ` ընդունարաններում և ռեստորաններում աշխատողների, բարմենների և տնային աշխատողների, բիզնես ոլորտի ներկայացուցիչների համար` տրամադրելով նրանց անգլերեն լեզվի սերտիֆիկատներ: Կենտրոնը բացառիկ է նաև նրանով, որ այստեղ ուսուցանվում է տնտեսագիտական գերմաներեն, մարքեթինգ, մենեջմենթ, գովազդ և PR: Դասավանդող մասնագետները անցել են հատուկ վերապատրաստումներ:

 

«Յունիվերս» կենտրոնի առավելությունները շատ են: Եվս մեկայն է, որ կենտրոնը համագործակցում է միջազգային կազմակերպությունների ու հրատարակչությունների հետ, ունի մեծ ու հարուստ գերմաներեն գրականություն:

Կենտրոնում ուսանելուց հետ տրվում է միջազգային կարգի սերտիֆիկատ, որը մրցունակ է ամբողջ ախարհում:

Գաղտնիք չէ, որ հաջողության հասնելու լավագույն միջոցը քրտնաջան աշխատանքն է, իսկ երբ այդ աշխատանքին գումարվում է նաև կենտրոնի բարձր որակավորում ունեցող մասնագետների գիտելիքները, գերազանց արդյունքը երաշխավորված է: Կենտրոնի փորձառու մասնագետները դասախոսներ են, ովքեր ունեն, CELTA, TEFL, TESOL և այլ համարժեք որակավորումներ:

 

«Մեր կենտրոնում չափազանց պահանջկոտ են մասնագետների մասնագիտական որակների նկատմամբ: Աշխատանքի ընդունվելուց մասնագետները երկար փուլ են անցնում, երկար ժամանակ է պահանջվում նաև մինչ առաջին ուսանող ունենալը: Անընդհատ վերապատրաստում ենք, ստեղծում ենք փորձնական խմբեր` աշխատակիցներից կազմված, նրանք անցնում են դասընթացներ և կատարելագործում են իրենց հմտությունները: Իսկապես մեծ ներդրում ենք ունենում մասնագտեների մասնագիտական որակների բարելավման վրա: Մասնագետները վերապատրաստման ու փորձաշրջանի ողջ ընթացքում վարձատրվում են», - ընդգծում է Քրիստինե Մկրտչյանը:

 

ULC-ն հավատարիմ է որդեգրած սկզբունքներին և կրում է սոցիալական պատասխանատվություն գործունեության առաջին իսկ օրվանից: Կենտրոնը նաև բարեգործական և սոցիալական ծրագրեր է իրականացրել` նպաստելով արվեստի և մշակույթի տարածմանը:

 

Կարևորելով Հայաստանում կրթական ծրագրերի առաջխաղացումը, կենտրոնում նաև անվճար թրեյնինգներ են անցկացվել թեˊ անգլերեն, թեˊ գերմաներեն լեզուներով, որտեղ ուսանողները կարողացել են շփվել դասերից դուրս` կատարելագործելով գիտելիքները: Թրեյնինգների ժամանակ քննարկումներ են ծավալվել տարբեր թեմաների շուրջ, դրանցից մեկի դեպքում, օրինակ, գերմանացի մի հեղինակի աշխատանքի շուրջ էր կազմակերպվել քննարկումը: Ընթացքում կապ է հաստատվել անմիջապես հեղինակի հետ, ում ուսանողները ուղղել են հարցեր:

 

«Յունիվերս» կենտրոնում նաև վերապատրաստման դասընթացներ են անցկացվում: Կորպորտաիվ փաթեթներով վերապատրաստվել են ԱԻՆ-ի, Ստանդարտների ինստիտուտի, Կոնյակի գործարանի, Իմեքս գրուպի, Զանգակ հրատարակչության և շատ այլ կազմակերպությունների աշխատակիցներ:

 

Կենտրոնում կարող են ուսուցում ստանալ բոլորը`առանց տարիքային  սահմանափակման: Արագ ու առավելագույն արդյունքի հասնելու համար այստեղ անհատական մոտեցում է ցուցաբերվում յուրաքանչյուրին: Յուրաքանչյուր սովորող ընդգրկվում է համապատասխան խմբում` հաշվի առնելով գիտելիքների մակարդակը:

 

Գործում է ժամային ճկուն գրաֆիկ, անհրաժեշտության դեպքում աշխատում են նաև օնլայն, իսկ դասընթացներն անցկացվում են ընդարձակ ու լուսավոր դասասենյակներում, որտեղ ստեղծված միջավայրը տրամադրում է սովորելուն: Լեզվի կենտրոնում պատերն անգամ կրում են ուսուցանվող լեզվի երկրի շունչը` գերմանական գարեջրից ու ֆուտբոլային ակումբի հուշանվերներից մինչև ամերիկյան թևավոր խոսքեր ու կարևոր բանաձևեր:

 

Այստեղ նաև հատուկ զեղչեր են գործում, երբ մի լեզվի ուսուցման ավարտից հետո, մեկ այլ լեզու են սկսում սովորել, կամ, երբ ընտանիքից երկու հոգի է հաճախում` տրամադրվում է 10-20 տոկոս զեղչ:

 

Լավագույն կապիտալը գիտելիքն է ` ULC-ի կարգախոսն էլ խոսում է ընկերության արժեքների մասին:

 

Yerevaklur.am