Արթուր Դավթյանը Մոսկվա է մեկնել ընտանիքով, ժամանցն անց է կացրել մոսկովյան թանկարժեք ռեստորաններում ու առևտրի կենտրոններում․ mediaport

Հայաստանի գլխավոր դատախազ Արթուր Դավթյանը օրերս մեկնել է Մոսկվա՝ հանդիպելու Ադրբեջանի գլախավոր դատախազին։ Mediaport-ի տեղեկություններով՝ Դավթյանը բարձրացրել է գերիների հարցը, սակայն մերժում է ստացել նրանց վերադարձի մասով, քանի որ ադրբեջանցի պաշտոնյան ասել է, թե հայ գերիներին համարում են «ռազմական հանցագործ» և վերադարձնելու մտադրություն չունեն։

«Իսկ Ռուսաստանի գլխավոր դատախազի մոտ նա բարձրացրել է հետախուզման մեջ գտնվող նախին բարձրաստիճան պաշտոնյաների վերադարձի հարցը և արժանացել է արհամարհանքի։ ՌԴ գլխավոր դատախազն անգամ չի պատասխանել՝ հայացքով հասկացնելով, որ փակի թեման։

Մի քանի օրով ընտանիքի հետ ՌԴ ժամանած Արթուր Դավթյանը տապալված այցից հետո սկսել է այցելել թանկարժեք ռեստորաններ ու առևտրի կենտրոններ, իսկ օրակարգը ինչ-որ բանով լցնելու համար, լուսանկարվել է Ռուսաստանում Հայ առաքելական եկեղեցու առաջնորդի՝ Եզրաս սրբազանի հետ։

Mediaport-ի տեղեկություններով՝ Մոսկվայում գտնվելու ընթացքում Արթուր Դավթյանի հաճույքները համաֆինանսավորել է ռուսաստանահայ գործարարներից մեկը։

Մյուս փաստերն՝ առաջիկայում»,– գրում է Mediaport–ը։