«Հակակովիդային» մենյուն՝ ըստ սննդաբանի

Ճիշտ սննդակարգն առողջության գրավական է, հատկապես՝ կորոնավիրուսային համավարակի պայմաններում: «Радио Sputnik»-ին տված հարցազրույցի ընթացքում բժիշկ-սննդաբան Նուրիա Դիանովան նշել է՝ ինչպես բարձրացնել իմունիտետը՝ առանց հատուկ ջանքեր գործադրելու:

Սննդաբանն ասել է, որ մարդու իմունիտետը մեծապես կախված է նրա սննդակարգից: Սննդակարգում պետք է լինեն սպիտակուցներ, միկրոտարրեր և վիտամիններ, հատկապես՝ վիտամիններ C-ն և D-ն:

Որպես օրինակ՝ նա նշել է մեկ օրվա հետևյալ սննդակարգը՝

-Նախաճաշին  կենդանական սպիտակուց պարունակող պանրի կտորով բուսական սպիտակուց պարունակող շիլա պատրաստեք: Եթե կաթը մարսում եք, կաթով շիլան իդեալական է: Դրան մեկ բաժակ սուրճ և մի քանի չիր ավելացրեք (օրինակ՝ ծիրանաչիր), որոնք Ձեզ կապահովեն սննդային մանրաթելերով, - ասել է Դիանովան:

Ճաշին  պետք է ավելի մեծ քանակությամբ կենդանական սպիտակուցներ օգտագործել: Դա կարող է լինել, օրինակ՝ հավ կամ ձուկ: Մի՛ մոռացեք նաև բանջարեղենի մասին՝ ներառյալ կարտոֆիլի. այն ածխաջրերի աղբյուր է:

Սննդաբանը երեկոյան ընթրիքի  համար խորհուրդ է տալիս ինչ-որ թեթև ուտեստ պատրաստել:

-Կարելի է բանջարեղենային ձվածեղ պատրաստել: Դրա համար պետք է բանջարեղենը խառնել ձվածեղային խառնուրդին, ավելացնել մի փոքր կտոր հաց և վերջ: Դուք ստացաք սպիտակուցներ, մի քիչ ճարպեր, ածխաջրեր և շատ սննդային մանրաթելեր: Երբ նման կերպով, առանց ֆանատիզմի, օրվա սննդակարգ է կառուցվում, ապա օրգանիզմն օրվա ընթացքում իմունիտետի բարձրացման, ինչպես նաև հակամարմինների արտազատման համար նյութ է ստանում - պարզաբանել է Նուրիան:

Սննդաբանը նաև նշել է, որ որպես խորտիկ, կարելի է 50-100 գրամ կաթնաշոռ ուտել և ինչ-որ միրգ: Իսկ կեսօրին հարմար է ուտել հաց և հումուս. սա շատ ավելի լավ է, քան թխվածքաբլիթով սուրճը կամ քաղցր բուլկին:

Նյութը հրապարակման պատրաստեց Լիլիթ Ամիրաղյանը