Հարցման արդյունքներով՝ ֆավորիտը կրկին «Ծառուկյան» դաշինքն է. «Փաստ»

«Փաստ» օրաթերթը գրում է.

Մարտի 30–ին Եվրոպական KOG ինստիտուտի և «Demokratijos projektai» կազմակերպության մասնագետների կողմից հրապարակվեց 2017 թվականի ապրիլի 2–ին կայանալիք խորհրդարանական ընտրությունների սոցիոլոգիական հարցումների վերջնական արդյունքները, որն իրականացվել է մարտի 18–27–ը:

Հարցումների արդյունքներով`«Ծառուկյան» դաշինքը կրկին առաջատարն է` 44,7%, և ՀՀԿ–ից առաջ է 22,3%–ով:

Երրորդ տեղում «ՕՐՕ» դաշինքն է` 9,20%: Հաջորդը «Ելք» դաշինքն է՝ 4,72%: Ապա ՀՎԿ–ն է` 3,37%: ՀՅԴ–ին ձայն կտա 3,15%–ը, ՀԱԿ–ՀԺԿ դաշինքին` 2,98%–ը, «Ազատ դեմոկրատներին»՝ 1,62%–ը, իսկ ՀԿԿ–ինն՝ 0,98%–ը:

Հարցվածների 7%–ը հրաժարվել է պատասխանել կամ նշել է, որ պատասխան չունի:

Հասարակության կողմից առավել վստահություն վայելող թեկնածուների առաջատարների եռյակը գլխավորում է Գագիկ Ծառուկյանը՝ 83,15%–ով, Կարեն Կարապետյանը՝ 32,2%–ով և Սեյրան Օհանյանը՝ 25,38%–ով:

Հարցումներին մասնակցել է Հայաստանի 1000 քաղաքացի:

Իսկ այն հարցին, թե ով կարող է ապահովել Հայաստանում փոփոխությունները, հարցվածների 57,28%–ը պատասխանել է՝ Գագիկ Ծառուկյանը: Իրենց հույսը Կարեն Կարապետյանի հետ կապել է հարցմանը ենթարկվածների 26,37%–ը, իսկ 12,65%–ի կարծիքով` փոփոխություններ կարող է իրականացնել Սեյրան Օհանյանը:

Շարունակությունը` «Փաստ» օրաթերթի այսօրվա համարում: