Էդմոն Մարուքյանը մտածում է, որ Լևոն Տեր–Պետրոսյանը կարդում է ու չի հասկանում. «Փաստ»

«Փաստ» օրաթերթը գրում է.

– Պարոն Մարուքյան, Լևոն Տեր–Պետրոսյանի երեկվա հարցազրույցի վերաբերյալ Ձեր տեսակետն ինչպիսի՞ն է: Այնտեղ խոսվեց նաև ձեր դաշինքի նախընտրական ծրագրից:

– Իսկ Ձեզ որտեղի՞ց այդ ինֆորմացիան, որ ես նայել եմ Լևոն Տեր–Պետրոսյանի հարցազրույցը:

– Դուք էլ չե՜ք նայել… Պատկերացնո՞ւմ եք` զարմանալի մի բան է` մեր քաղաքական գործիչները բոլորը չեն նայել այդ հարցազրույցը:

– Գիտե՞ք` նախ ես կարևոր հարցազրույցներ եմ նայում, որոնք ինձ հետաքրքիր են: Սա` մեկ: Եվ հետո հիմա քարոզարշավ է, դրա ժամանակը չկա. ի՞նչ իմաստ ունի նայել Լևոն Տեր–Պետրոսյանի հարցազրույցը:

– Նա ասում էր, որ դուք ձեր նախընտրական ծրագրում մեր երկրի այդ կարևորագույն խնդրի վերաբերյալ ձեր պատասխանը չունեք, չեք ներկայացնում: Չեք ասում, թե ինչպես եք վերաբերվում այդ հակամարտության լուծման հետ:

– Լևոն Տեր–Պետրոսյանը ամենաբարձր բացասական ֆիդբեք ունեցող քաղաքական գործիչն է: Եթե նա մեզ քննադատում է, նշանակում է մեզ բավականին օգուտ է տալիս: Ես գոհ եմ նրա քննադատությունից:

– Իսկ եթե առարկայորեն խոսենք` նա ասում է, որ դուք խուսափում եք այդ հարցի պատասխանից:

– Մենք բոլոր հարցերի պատասխանը տվել ենք: Եթե մարդիկ կան` կարդում են ու չեն հասկանում, դա իրենց խնդիրն է:

– Ընդունենք` Լևոն Տեր–Պետրոսյանը չի հասկացել…

– Դե եթե ասում է պատասխան չկա, ուրեմն չի հասկացել:

Շարունակությունը` «Փաստ» օրաթերթի այսօրվա համարում: