ՀՀ ԱԺ պատգամավոր Ռոբերտ Սարգսյանը շարունակում է բարի ավանդույթ դարձած քաղաքացիների ընդունելությունը:

Պատգամավոր Ռոբերտ Սարգսյանի կողմից սահմանված և յուրաքանչյուր ամսվա վերջին հինգշաբթի օրը Հանրապետական կուսակցության Ավանի տարածքային գրասենյակում կազմակերպվող հերթական ընդունելությանը նախապես գրանցվել ու եկել էին Ավան, Նոր Նորք և Քանաքեռ-Զեյթուն վարչական շրջանի շուրջ 50 բնակիչ:
«Չնայած քարոզարշավի ընթացքով պայմանավորված խիստ գրաֆիկիս, այնուամենայնիվ, չէի կարող չեղարկել արդեն չորս ու կես տարի ավանդույթ դարձած քաղաքացիների հետ իմ հերթական այս հանդիպում-ընդունելությունը: Առավել ևս, որ մեր բնակիչները նախապես են գրանցվում ու, բնական է, որ նրանց հուսախաբ անել չէի կարող:
Հատկանշական է, որ այս անգամ ընդունելության էին եկել նաև Նոր Նորք և Քանաքեռ-Զեյթուն վարչական շրջաններից: Չեմ թաքցնի, որ շատ պարտավորեցնող է այս հանգամանքը:
Հաշվի առնելով, որ այս ձևաչափով իմ ընդունելությունների ժամանակ մեր բնակիչներից յուրաքանչյուրին ընդունում և լսում եմ առանձին-առանձին, հերթագրվածների քանակով պայմանավորված, մեր բնակիչների մի մասը ստիպված եղավ մի քիչ երկար սպասել, ինչի համար մեկ անգամ ևս հայցում եմ նրանց ներողամտությունը: Օգտվելով առիթից, նաև իմ շնորհակալությունն եմ հայտնում նրանց համբերատարության համար», - նշել է պատգամավորն ու հավելել, որ իր լիազորությունների շրջանակում հնարավորինս կաջակցի բոլոր այն խնդիրների լուծմանը, որոնք բարձրացվել էին ընդունելության ժամանակ:
Հարկ է նշել, որ նախընտրական քարոզարշավի շրջանակում բնակիչների հետ հանդիպումների ժամանակ Ռոբերտ Սարգսյանն արդեն խոստացել է, որ ընտրողների վստահության քվեն ստանալու դեպքում, շարունակելու է այս ձևաչափով քաղաքացիների ընդունելության կազմակերպումը, ընդ որում՝ այս անգամ արդեն թիվ 1 ընտրատարածքում ներառված երեք՝ Ավան, Նոր Նորք և Քանաքեռ-Զեյթուն, վարչական շրջաններից յուրաքանչյուրի բնակիչների համար սահմանելով ընդունելության առանձին օրեր:

ՀՀ ԱԺ պատգամավոր Ռոբերտ Սարգսյանը շարունակում է բարի ավանդույթ դարձած քաղաքացիների ընդունելությունը:

Վերջին շաբաթվաամենաթեժիրադարձությունները Թոփ 10ամենաընթերցվածլուրերը

Վերջին շաբաթվա
ամենաթեժ
իրադարձությունները Թոփ 10
ամենաընթերցված
լուրերը