Ահաբեկիչների ներկայությունը մեր սահմաններին չենք հանդուրժի. Իրանի Մեջլիսի պատգամավոր
Սահմանային անվտանգության հարցն Իրանի համար «կարմիր գիծ» է համարվում,-Իրանի Մեջլիսի պաշտոնական կայքի հաղորդմամբ՝ հայտարարել է պատգամավոր Զաբիօլլահ Ազամի Սարդուին։
Իրանցի խորհրդարանականը, անդրադառնալով հայ-ադրբեջանական հակամարտության գոտում տեղակայված ահաբեկչական խմբավորումների վերաբերյալ հրապարակված տեսանյութերին, մասնավորապես նշել է. «Իրանը երբեք, ոչ մի պարագայում չի հանդուրժի ահաբեկչական խմբավորումների ներկայությունն իր սահմաններին։ Ահաբեկիչների տեղակայումը Կովկասում չի բխում ոչ մի երկրի շահերից»։
Իրանի հոգևոր առաջնորդ Ալի Խամենեին նոյեմբերի 3-ին հեռուստատեսությամբ ունեցած ելույթում, ընդգծելով Թուրքիայի աջակցությամբ Ադրբեջան տեղափոխված ահաբեկիչների վերաբերյալ արժանահավատ տեսանյութերի առկայությունը, ևս անընդունելի էր համարել ահաբեկիչների ներկայությունն Իրանի սահմաններին՝ ընդգծելով, որ սպառնալիքի դեպքում ահաբեկիչները խիստ հակազդեցության կարժանան։
Պաշտոնական Բաքուն, տարածաշրջանն ապակայունացնելու վերաբերյալ իրանական կողմից պարբերաբար հնչող մտահոգություններին պատասխանելու հարցում չունենալով որևէ հիմնավորում, ադրբեջանցի պատգամավոր Բահրուզ Մագերրամովի շուրթերով մեղադրանքներ հնչեցրեց Իրանի հոգևոր առաջնորդի հասցեին՝ Թեհրանին փաստացի մեղադրելով ահաբեկիչների տարանցում ապահովելու մեջ։
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Ուժեղ Հայաստան» կուսակցության քարոզարշավը․ ուղիղ
Մերժում ենք թուլությունը, սուտն ու կեղծիքը, ընտրում ենք արժանապատիվ և ուժեղ Հայաստանը․ Ավետիք Չալաբյ...
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
