Ո՞ր ակտիվներում է ավելի շահավետ պահել կապիտալը ներկայիս ճգնաժամի ընթացքում
Դեռ դոլարը շարունակում է ցուցադրել կայունություն, սակայն երկարաժամկետ հեռանկարում այն խոցելի է, քանի որ արժութային ակտիվներն ավելի լավ է դիվերսիֆիկացնել՝ ներգրավելով նաեւ չինական յուանը, որն առաջիկա տասնամյակում կարող է լրջորեն ամրապնդել դիրքերը: Այդ մասին NEWS.am-ի թղթակցի հետ զրույցում հայտարարել է Հայաստանի պետական տնտեսագիտական համալսարանի նորարարական եւ ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանը:
«Չնայած ԱՄՆ Դաշնային պահուստային համակարգը շրջանառել է հավելյալ մի քանի տրիլիոն դոլար կանխիկով, սակայն որքան էլ պարադոքսալ չէ, այդ ֆոնին նահանգներում զգալի ինֆլյացիոն թռիչքներ չեն գրանցվել: Սակայն դա հանգեցրել է պետական արժեթղթերի շահութաբերության անկմանը: Չի բացառվում, որ առաջիկա վեց ամիսների ընթացքում կարող է գրանցվել դոլարի արժեզրկում»,-նշել է նա:
Նրա խոսքով՝ ամբողջ աշխարհում տարվում է պրոտեքցիոնիզմի քաղաքականություն, աճել են ռիսկերն ու անորոշությունը, իսկ դրա հետ մեկտեղ՝ դոլարի փոխարժեքի տատանումները:
«Դա վկայում է, որ առաջատար արժույթների նկատմամբ վստահությունը լրջորեն անկել է, ինչի հետեւանքով աճել են ոսկու գները: Ճգնաժամի պայմաններում որոշ երկրներ «միացնում են տպելու սարքը», մյուսները, ինչպես, օրինակ, Հայաստանը, որդեգրում են պետական պարտքը բարձրացնելու ուղին, եւ դա նույնպես հանգեցնում է աշխարհում ոսկու պահանջարկի աճին: Շատ երկրներ այդ պայմաններում ձգտում են մեծացնել ոսկու պաշարները, ինչը չի կարելի ասել Հայաստանի մասին՝ չնայած մենք համարվում ենք ոսկի արդյունահանող երկիր»,-ընդգծել է Մարգարյանը:
Փորձագետը պարզաբանել է, որ ոսկին հուսալի ակտիվ է ոչ միայն պետության, այլ նաեւ տնային տնտեսությունների համար:
«Մարդիկ դա գիտակցում են, ինչը նույնպես նպաստում է ոսկու գնաճին, եւ դրա նկատմամբ հետաքրքրությունն առաջիկա ամիսներին կպահպանվի: Աշխարհում կա նաեւ որոշակի հետաքրքրություն անշարժ գույքի նկատմամբ: Հայաստանի դեպքում իրավիճակը վատթարանում է անշարժ գույքի հարկի բարձրացմամբ, ինչը հանգեցնում է անշարժ գույքի գների անկմանը: Իշխանությունների հակակոռուպցիոն քաղաքականությունը՝ կապված ապօրինի ձեռքբերված գույքն առգրավելու հետ նույնպես կարող է հանգեցնել թանկարժեք անշարժ գույքի սեգմենտում գների անկման»,-եզրափակել է Մարգարյանը:
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
Այսօր ես խոսելու եմ մի ճշմարտության մասին, որը տարիներ շարունակ փորձել են լռեցնել, ծաղրել կամ քողարկ...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
