Կարեն եւ Սամվել Կարապետյանների ընտանիքը (ֆոտո)

Wnews.am-ը շարունակում է ներկայացնել հայ քաղաքական եւ հասարակական ազդեցիկ գործիչների ընտանիքները։ Այս անգամ ներկայացնում ենք Կարեն եւ Սամվել Կարապետյաններին եւ նրանց ընտանիքը։ 

Ազգային ժողովի պատգամավոր Կարեն Կարապետյանը եւ Ռուսաստանի ամենահարուստ մարդկանցից մեկը համարվող միլիադրատեր, «Տաշիր Գրուպ» ձեռնարկության նախագահ Սամվել Կարապետյանը ծնունդով Հայաստանի Կալինինոյի շրջանի Ղարաքիլիսա գյուղից են (այժմ Տաշիր)։ 

Կարեն Կարապետյանը եղբորից մեծ է չորս տարով։

Նա ծնվել է 1961թ. մարտին։

Ավարտել է նախ Երեւանի պոլիտեխնիկական ինստիտուտը, ապա նաեւ՝ Դոնի Ռոստովի (ՌԴ) բարձրագույն քաղաքական դպրոցը: Ճարտարագետ-մեխանիկ: Քաղաքագետ: Տնտեսագետ:

Կարեն Կարապետյանը նախ աշխատել է Կալինինոյի շրջանում որպես ուսուցիչ, հետո հակակարկտային ջոկատի ճարտարագետ, ավագ ճարտարագետ, այնուհետեւ ՝ՀԼԿԵՄ Տաշիրի շրջկոմի գյուղբաժնի վարիչ, քարտուղար, ՀԿԿ Տաշիրի շրջկոմի հրահանգիչ: 1990-1993թթ. եղել է «ՍԻԿ» արտադրաառեւտրային ձեռնարկության (Դոնի Ռոստով) գլխավոր տնօրեն, 1993-1999թթ.՝ Տաշիրի արծնապատ ամանեղենի գործարանի տնօրեն, այնուհետեւ նույն ԲԲԸ խորհրդի նախագահ: 

1995-ից մինչեւ 2008թ. չորս անգամ ընտրվել է ԱԺ պատգամավոր, որից հետո զբաղեցրել ՀՀ Նախագահի աշխատակազմի ղեկավարի պաշտոնը: Այժմ Կարեն Կարապետյանը կրկին ԱԺ պատգամավոր է։ 

Նա ամուսնացած է Անուշ Ղազարյանի հետ եւ ունի երեք երեխա:

Կարեն Կարապետյանի ավագ որդին Վահե Կարապետյանն է, ով ամուսնացած է ՀՀ սփյուռքի նախարար Հրանուշ Հակոբյանի քրոջ դստեր՝ Վիկտորիայի հետ։

Ի դեպ՝ Վահեն ու Վիկտորիան իրենց որդուն Սամվել են անվանել։

Վահե Կարապետյանը ղեկավարում է «Տաշիր» բարեգործական հիմնադրամը։

Կարեն Կարապետյանի մյուս որդին՝ Նարեկ Կարապետյանն է։ Նա եւս աշխատում է «Տաշիր» ընկերությունում։

Նարեկ Կարապետյանի հարսանիքը տեղի ունեցավ նախորդ տարի. նրա կինն Աննան է։

Ներկայացնում ենք հարսանեկան խնջույքից մի քանի լուսանկարներ.

Միլիարդատեր Սամվել Կարապետյանը, ով Forbes-ի ցուցակում իր $4 մլրդ կարողությամբ զբաղեցնում է 26-րդ տեղը, ավարտել է Երևանի պոլիտեխնիկական ինստիտուտի մեքենաշինության ֆակուլտետը։ Եղել է Տաշիրի արծնապատ ամանեղենի գործարանի տնօրեն և ավագ տեխնոլոգ, որից հետո ստեղծել ՝ «Զենիթ» ավտոպահեստամասերի արտադրության կոոպերատիվը։ 1990-ական թվականներին տեղափոխվել է Ռուսաստանի Դաշնության Կալուգա քաղաք և սկսել զբաղվել գործարարությամբ։ 1997 թվականին ընտրվել է «Կալուգագլավսնաբ» ԲԲԸ-ի նախագահի պաշտոնում։ 1999 թվականին ստեղծել է «Տաշիր» ընկերությունների խումբը, որի կազմի մեջ մտնում են արտադրական և շինարարական ձեռնարկություններ, առևտրի կենտրոններ, մատակարարման և առաքման կազմակերպություններ, հյուրանոցների, ռեստորանների և առողջարանների ցանց։ Սամվել Կարապետյանն ունի գիտությունների դոկտորի գիտական աստիճան։ Նրա կողմից հրատարակվել են ավելի քան 30 գիտական աշխատություններ։ 

Ներկայումս Tashir Group-ը միավորում է տնտեսության տարբեր բնագավառներում գործող ավելի քան 200 ընկերությունննե՝ 30 000-ից ավել աշխատակիցներով։ 2006 թվականին ակտիվ մասնակցություն է ցուցաբերել Ռուսաստանում Հայաստանի տարվա անցկացմանը, որն անցնում է Ռուսաստանի Դաշնության նախագահ Վլադիմիր Պուտինի և Հայաստանի Հանրապետության նախագահ Ռոբերտ Քոչարյանի հովանու ներքո։ 2007 թվականին «Տաշիր» ԸԽ-ն «Forbes» ամսագրի վարկածով Ռուսաստանի անշարժ գույքի խոշորագույն սեփականատերերի ցանկում զբաղեցնում է 12 տեղը։ 

Սամվել Կարապետյանը արժանացել է հետեւյալ պարգեւներին.

Ռուսաստանի Դաշնության բիզնեսի և ձեռնարկատիրության ոլորտում արժանանացել է «Բիզնես Օլիմպ» ազգային մրցանակի՝ որպես «Ռուսաստանի դաշնության վաստակավոր ձեռնարկատեր», 2001 Բարեպաշտ իշխան Դանել Մոսկվացու 2-րդ աստիճանի ոսկե շքանշան՝ Հայաստանում քրիստոնեության ընդունման 1700-ամյակի առթիվ, 2001 Ռուսաստանի նախագահի անվանական ժամացույց, 2003 «Ռուսաստանյան ազգային Օլիմպ» գլխավոր համառուսական Պարգև՝ «Պատվի և Արիության» շքանշան և «Ոսկե Օլիմպ» կրծքանշան, 2005 Սուրբ Մեսրոպ Մաշտոցի շքանշան ազգային շահերի պաշտպանման գործում նշանակալի ավանդի ներդրման, հանուն հայության բազմամյա և արգասաբեր գործունեության, Հայաստանի Հանրապետության զարգացմանը և առաջընթացին նվիրված գործունեության և մեծ վաստակի համար, 2011[3] «Հայրենիքին մատուցած ծառայությունների համար» 1-ին աստիճանի շքանշան (2015) 

\

Սամվել Կարապետյանն ունի երեք զավակ. երկու որդի եւ մեկ դուստր։

«Կրտսեր որդիս սովորում է դպրոցում, իսկ ավագը պատասխանատու է ընկերությունում կոմերցիոն անշարժ գույքի կառավարման համար։ Աղջիկս աստիճանաբար ներառվում է ընտանեկան բիզնեսում։ Ինձ համար բնական էր, որ իմ երեխաները կլինեն բիզնեսում։ Նրանք դա գիտեին, իսկ որ ամենակարևորն է՝ դա ցանկանում էին։ Այլ կերպ չէր էլ կարող լինել, նրանցից ոչ մեկը նույնիսկ չի պատկերացրել իր ապագան մեկ այլ տեղ»,-պատմում է գործարարը։ 

Կարապետյանի կարծիքով՝ իր երեխաներին շատ ճիշտ է դաստիարակել, մանկուց ստեղծվել է համապատասխան միջավայր։ Բացի այդ, առկա է եղել գեների գործոնը։ «Իմ երեխաներն ամեն ինչում նման են ինձ։ Ես երբեք չեմ սիրել գիշերային կյանքը, իսկ աշխատանքը, ընդհակառակը, ինձ ոգեշնչել է։ Ես նայում եմ հիմա նրանց՝ նրանք էլ են այդպիսին»,- խոստովանում է նա։ 

Սամվել Կարապետյանի կինը եւս զբաղվում է բիզնեսով. նա 17 տարի առաջ բացել է Կալուգայի առաջին սպա-սրահը: Դա Սամվել Կարապետյանի նվերն էր՝ կրտսեր որդու ծննդյան կապակցությամբ: Այժմ այն դարձել է «Best» սրահների ցանց, որը գործում է առեւտրի կենտրոնների շրջանակում, ինչպես նաեւ մեծ առաջնակարգ սպա-կենտրոն Մոսկվայում: 

\

Սամվել Կարապետյանի դուստր Տաթեւիկ Կարապետյանը վերջերս հայտնվել է «ForbesWoman» ամսագրի շապիկին։

Wnews.am-ն արդեն հրապարակել է ամսագրին տված նրա հարցազրույցը, որը կարող եք կարդալ այստեղ։

«Մեր ընտանիքում ընդունված է աշխատել: Դա է մեր կենսակերպը»,- ասում է Տաթեւիկ Կարապետյանը, ով հանդիսանում է «Սինեմասթար» կինոթատրոնների ցանցի կառավարիչը։ 

Տաթեւիկ Կարապետյանն արդեն վեց տարի է, ամուսնացած է։ Նրա ամուսինը եւս աշխատում է «Տաշիր» ընկերությունում։

Նրանք որդի ունեն, ում անունը Սամվել է։

Սամվել Կարապետյանի ավագ որդին Սարգիսն է։

Նա եւս աշխատում է իր հոր ընկերությունում եւ զբաղեցնում է փոխնախագահի պաշտոնը։

2013-ից նա պատասխանատու է «Տաշիրի» կոմերցիոն անշարժ գույքի կառավարման համար։