Նաղդալյանը մոտ 2 միլիոն դոլար եկամուտ ունի. «Փաստ»

«Փաստ» օրաթերթը գրում է.

ԱԺ նախագահի տեղակալ Հերմինե Նաղդալյանը նախորդ տարի 900 միլիոն դրամից ավելի եկամուտներ է ունեցել: Այս մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից: Հերմինե Նաղդալյանի այդ 900 միլիոնը գերազանցող եկամուտները ստացվել են հետևյալ աղբյուրներից: 490 միլիոն դրամը գույքը օտարելուց, այսինքն՝ վաճառելուց ստացված գումարն է, 387 միլիոն 293 հազար դրամը շահաբաժին է, 8 միլիոն 998 հազար դրամը տարեկան աշխատավարձ, իսկ 27 միլիոն 489 հազարն էլ հայտարարագրում նշված է որպես այլ եկամուտ: Ի դեպ 490 միլիոն դրամը, որ ստացվել է գույքը վաճառելուց, ԱԺ փոխնախագահի բաժնեմասն է եղել: Վերջինիս արժեքը 2016 թ. սկզբին եղել է 24 միլիոն 182 հազար դրամ, իսկ Նաղդալյանն այն տարվա ընթացքում վաճառել է բավական լավ գնով՝ ավելի քան քսան անգամ թանկ:

Նաղդալյանի դրամական միջոցները նախորդ տարի փոփոխվել են, կարելի է ասել և՛ ավելացել, և՛ նվազել են: Տարեսկզբին նա հայտարարագրել էր 32 միլիոն դրամ և 5 հազար ԱՄՆ դոլար, իսկ տարեվերջին՝ 830 հազար դրամ և 30 հազար ԱՄՆ դոլար:

 Շարունակությունը` «Փաստ» օրաթերթի այսօրվա համարում: