Նոր iPhone 12-ի գները խոստանում են լինել բավականին բարձր

Սովորաբար Apple ընկերությունը ներկայացում է նոր iPhone սմարթֆոններ սեպտեմբերին, սակայն այս տարի կորոնավիրուսի համավարակի եւ մատակարարման հետ կապված խնդիրների պատճառով կան լուրեր, որ այն հետաձգվել է մինչեւ հոկտեմբեր, գրում է IXBT-ն։

Չնայած նրան, որ որոշ մարդիկ iPhone 12-ն անվանում են նախորդ մոդելի չնչին լավացում՝ ակնկալվում է, որ սմարթֆոնը կստանա հինգերորդ սերնդի ցանցային ապահովում, ProMotion դիսփլեյ, ինչպես նաեւ լազերային հեռաչափ։

Նոր գործառույթներ ավելացնելու պատճառով Apple ընկերությունը, ինչպես հաղորդվում է, որոշել է վաճառել iPhone 12-ն առանց լիցքավորման սարքի եւ ստանդարտ ականջակալների՝ թողնելով միայն Lightning լարն ու սմարթֆոնը։ Դա արդեն նշել էր վերլուծաբան Մինգ չի Քոուն, ինչպես նաեւ հաստատվել էր TrendForce վերլուծական ընկերության կողմից։

Ընդ որում՝ աղբյուրը նաեւ հայտնել է iPhone 12-ի շարքի հնարավոր մեկնարկային արժեքները, որոնք բնավ ուրախալի չեն։ Չնայած օգտակար աքսեսուարներից հրաժարմանը՝ iPhone 12 բազային մոդելի գինը կարող է մեկնարկել 699-749 դոլարից, իսկ iPhone 12 Pro Max-ը կվաճառվի 1149-1199 դոլարով։ Համեմատության համար նշենք, որ iPhone 11-ը թողարկվել է 699, իսկ iPhone 11 Pro Max-ը՝ 1099 դոլարով։

Ավելին՝ այստեղ