Վարչապետի խորհրդականը 90 հազար դոլարով հողամաս է գնել. «Փաստ»

«Փաստ» օրաթերթը գրում է.

Կարեն Կարապետյանի խորհրդական Գևորգ Մալխասյանը նախորդ տարի 45 միլիոն դրամով հողամաս է գնել։ Այդ մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից։

Մալխասյանը հայտարարագրել է 15 միլիոն դրամ փոխառություններ և 68 միլիոն դրամ, 82 հազար ԱՄՆ դոլար ու 1 հազար 500 եվրո դրամական միջոցներ։ Կարապետյանի խորհրդականի տարեկան եկամուտներն էլ կազմել են 43 միլիոն 945 հազար դրամ, որից 7 միլիոն 515 հազար դրամը աշխատավարձն է, 32 միլիոն 500 հազար դրամը շահաբաժին, իսկ 3 միլիոն 930 հազարն էլ նշված են որպես այլ եկամուտներ։

Մալխասյանի կինը՝ Գայանե Ազարյանը, հայտարարագրել է 20 միլիոն 500 հազար դրամ, 65 հազար ԱՄՆ դոլար և 640 հազար ռուսական ռուբլի դրամական միջոցներ։ Իսկ իր տարեկան եկամուտներն էլ կազմել են 8 միլիոն 982 հազար դրամ, որից 8 միլիոն 812 հազար դրամը նշված է որպես այլ եկամուտներ, իսկ 170 հազար դրամն էլ մրցույթների կամ մրցությունների, վիճակախաղերի իրային կամ դրամական շահումն է։

Շարունակությունը` «Փաստ» օրաթերթի այսօրվա համարում: