Գագիկ Բեգլարյանը հետ կվերցնի ԱԺ–ում իր «բրոնյա» արած աթոռը. «Փաստ»

«Փաստ» օրաթերթը գրում է.

Նախկին նախարար Գագիկ Բեգլարյանը առաջիկա խորհրդարանական ընտրություններին հետ կվերցնի Ազգային ժողովի պատգամավորի` իր կողմից «բրոնյա» արած աթոռը:

Տարիներ շարունակ Երևանի Կենտրոն վարչական շրջանում հիմնականում, բառիս բուն իմաստով, իշխում էին երկու, չասենք կլաններ, բայց ընտանիքներ` Գռզոյենք (Խաչիկ Սուքիասյան) և Չոռնի Գագոյենք (Գագիկ Բեգլարյան): Հայտնի քրեական հեղինակություն Սերի մահից հետո այս երկու խմբերի պայքարը իշխանության համար առավել սրվեց: Վերջին 14–16 տարում առավել հաջողակ է Գագիկ Բեգլարյանի խումբը: Եվ էս տարածքում ինքն է «ասողը»: Ինչպե՞ս: Շատ պարզ. 2002–2009 թթ. նա Կենտրոն համայնքի թաղապետն էր: Հետո` 2009–ին դարձավ Երևանի քաղաքապետ, բայց թաղապետ դարձրեց իր շրջապատի տղերքից մեկին` Արա Սադոյանին, որ թաղապետի «աթոռը» ձեռքի տակ լինի: Իսկ մինչ այդ` 2007–ից էս տարածքից պատգամավոր դարձրեց Արայի եղբորը` Ռուբեն Սադոյանին, ով մինչ այժմ էլ լուռ «լռված» է Ազգային ժողովում: Այսինքն` 2007–ից պատգամավորի այդ տեղը, կարելի է ասել, «բրոնյա» արած է: Բեգլարյանը երբ ուզենա, Սադոյանին հետ կկանչի: Դե հիմա էլ կկվի կանչելու ժամանակն է:

Գագիկ Բեգլարյանը այլևս թաղապետ–քաղաքապետ–նախարար չէ: Այժմ անձեռնմխելիության խնդիր կա: Մեր աղբյուրի տվյալներով` Գագիկ Բեգլարյանը պատրաստվում է այս տարածքից հերթական անգամ պատգամավոր դառնալ: Դե Սադոյանին երկու «սրոկը» հերիք է, թող իր «շներ խփող» հիմնարկով զբաղվի: Պատգամավորի այս մանդատը «բրոնյա» անելն այսպիսի ժամանակների համար էր նախատեսված:

Շարունակությունը` «Փաստ» օրաթերթի այսօրվա համարում: