Իրանում կորոնավիրուսի երկրորդ ալիքն է ահագնանում. հայերի շրջանում վարակակիների թիվն աճում է, ինչը մտահոգիչ է

Իրանում կորոնավիրուսի երկրորդ ալիքն է ահագնանում․վերջին մեկ օրում կորոնավիրուսից մահացել է 188 հոգի, ծայրահեղ ծանր վիճակում են գտնվում 3925-ը։ Այսօրվանից Թեհրանը հայտարարել է նոր սահմանափակումների մասին։ Այդ մասին «Առաջին լրատվական»-ի հետ զրույցում ասաց Թեհրանում լույս տեսնող «Արաքս» շաբաթաթերթի խմբագիր Մովսես Քեշիշյանը։ Հիվանդանոցներում տեղերի առումով դեռ դժվարություն չկա։

«Մահվան դեպքերն են ավելացել։ Հասարակական հավաքատեղիները, հարսանյանց հանդեսները, սգո արարողությունները արտոնելուց հետո վարակն արագ տարածվեց։ Այս առավոտյան էլ, երբ խոսեց Իրանի առողջապահության նախարարության խոսնակը, ընդգծեց, որ հիմնական պատճառը, որի հետևանքով այս հիվանդությունը ավելի սկսեց ընդլայնվել, հիմնականում պայմնավորված է ընտանեկան հավաքներով։ Այսինքն՝ այս հիվանդության տարածման պատճառ են հանդիսանում հիմնականում միջոցառումները»,-ասաց Քեշիշյանը։

Աշխատատեղերը 2/3 ուժերով պետք է աշխատի, 1/3-րդն արձակուրդի պետք է գնա, պարտադիր, որպեսզի պահպանվի սոցաիական հեռավորությունները։

Երկրի տասը նահանգ՝ ներառյալ մայրաքաղաքը, այս պահին գտնվում են կարմիր գոտում։

Քեշիշյանը նշեց, որ Իրանում հիվանդների մեծ մասը բուժում ստանում է տանը, իհարկե շատ ավելի մեծ թվով վարակակիրներ կան, պարզապես նրանց չեն հայտնաբերել, քանի որ թեստավորում չի իրականացվել։ Ըստ Իրանի նախագահի՝ մոտ  18 միլիոն կորոնավիրուսով վարակակիր կա Իրանում։

«Մենք հասել ենք պիկին։ Ցավալի է, բայց այս հանգամանքը անդրադառնում է  նաև համայնքի վրա։ Հայերն էլ ընթրիքների մասնակցեցին, դրա համար հայերի շրջանում վարակվածների թիվը նույնպես ավելացել է։ Իհարկե, չունենք մահ, բայց հայերի շրջանում վարակակիների թիվն աճում է,  ինչը մտահոգիչ է։ Բուժաշխատակազմի առումով երկիրը  մեծխվնաս է կրել, մինչ այս պահը 9000 բուժքույր է վարակվել կորոնավիրուսով, ինչը մեծ թիվ է»,-ասաց Մովսես Քեշիշյանը։

Հարսանյանց հանդերսներ, սգո արարողություններ, համայնքի եկեղեցում պատարագ և այլն նորից արգելվեց։ Դիմակ կրելը պարտադիր է, առավելագույն հավաքները 10-15 հոգանոց պետք է լինեն և ոչ ավելի։

Շարունակություն