Մենք գնում ենք կայունացման՝ առանց խիստ սահմանափակումների, այսինքն ավելի բեթար չի կարող լինել… բժիշկ Հայկ Մանասյանի դրական կանխատեսումը

-Համաճարակային ամենադժվար փուլի մեջ ենք մոտ 2 շաբաթ, վարակի տարածման կայունություն կա,-այս մասին AD TV «Հարցազրույց» հաղորդման ընթացքում ասաց բժիշկ Հայկ Մանասյանն՝ ընդգծելով, նման եզրակացության է եկել մահվան դեպքերի վիճակագրությանը նայելով։

«Թեև այսօր մահանում են 2-3 շաբաթ առաջ հոսպիտալացված հիվադները, բայց ամեն դեպքում մահվան դեպքերը ցուցիչ են։ Իսկ թեստերի քանակը, թե որքան կիրականացնեն, ինչպես ընտրանքը կլինի, եթե ուզում ենք ավելի իրականությանը մոտ պատկեր արձանագրենք՝ պետք է թեստավորենք իրար հետ կապ չունեցող անձանց։ Այսինքն, եթե ես հիվանդ եմ ու պետք է թեստավորենք ինձ հետ կապ ունեցող մարդկանց, ավելի մեծ հավանականությամբ ձեր արած թեստերի մեջ կհայտնվեն դրական պատասխաններ։ Իսկ եթե 2 անձի եք թեստավորում, ովքեր իրար մեջ կապ չեն ունեցել՝ ավելի մեծ է հավանականությունը, որ քիչ կունենաք դրական պատասխան։ Այսինքն, ձեր ցանկացած պատկերը դուք կարող եք ստանալ՝ թեստերի ընտրանքը փոխելով։ Մինչդեռ մահվան թվերը ցույց են տալիս, որ գալիս է կայունացման փուլը։ Այսինքն, մոտավորապես 1 հոգուց վարակվում է 1 հոգի և այս տեմպը պահպանվում է, իսկ 1-ը մեկին վարակելը և վարկավակիրների ավելացման կորը իջեցնելն է, և դեպի հաղթանակը գնալու ուղին է։ Այսինքն եթե կարողացար այնպես անել, որ մեկը մեկին վարակելուց իջնենք այն բանի, որ 10 հոգին 9-ը հոգու են վարակեն, կամ 10 հոգով 8 հոգու վարակեն՝ դու արդեն գնում ես հաղթանակի»,-ասաց Մանասյանն՝ ընդգծելով, որ կայունացման շրջանը շատ երկար չի կարող տևել, ընդ որում՝ այն ավելի գնահատելի է, քանի որ սա կայունացում է՝ առանց մեծ սահմանափակումների։

«Երբ կայունացում է խիստ սահմանափակումներով՝ դա շատ հեղհեղուկ վիճակ է, ցանկացած ժամանակ կբացվես ու նորից բում կլինի։ Վրաստանին հաճախ օրինակ բերողները հաշվի չեն ասում այս հանգամանքը, որ օրը սահմանափակումներն հանեցիր՝ այդ ժամանակ ունենալու ես խիստ պրոբլեմ։ Մինչդեռ, մենք գնում ենք կայունացման՝ առանց խիստ սահմանափակումների, այսինքն ավելի բեթար չի կարող լինել, ու այս պայմաններում սկսելու է իջնել»։

Հարցին, թե շատ փորձագետներ նշում են, որ այդ նվազումը դեռ լավատեսության հիմք չի կարող լինել և դեռ անորոշ վիճակ է՝ պատասխանեց, որ այսօր, օրինակ, եղել է 16 մահ, երեկ եղել է 5 դրա առաջին օրը՝ 6, դրանից առաջ՝ 13, 18, այսինքն՝ կորը ալիքաձև իջնում է, ալիքի ամենացածր կետը եղել է 6-7 մահվան դեպքերը, բարձրակետը 19-ն էր։ Եթե 19-ին հաջորդեր 25-30-ը՝ մենք կարող էինք ասել, որ կա պրոգրեսիա, բայց պրոգրեսիա՝ որպես այդպիսին՝ գոյություն չունի, ավելին՝ վերջին մի քանի օրը ցույց է տալիս, որ նվազման տենդենց կա։ Բժշկի դիտարկմամբ՝ պետք է զգուշանաք հոռետեսական կանխատեսումներ անելուց։

«Հայաստանում մահացությունների 1 տոկոս դեպքերը հաշվում են հայտնաբերված դեպքերի հարաբերակցությամբ, բայց բոլորը ընդունում են չէ՞, որ հայտնաբերված դեպքերը 3-4 անգամ ավելի քիչ են, քան հայտնաբերվում են, որովհետև հայտնաբերումը ցուցումով է արվում, հետևաբար մահաբերության տոկոսային հարաբերություն թիվը մի քանի անգամ գերագնահատված է»։ Մանասյանն անդրադարձավ նաև կորոնավիրուսի դեմ պայքարում մասնավոր հատվածին չներգրավելուն՝ ընդգծելով, որ քանի որ առողջապահական համակարգը հիմնականում մասնավոր հատվածի վրա է, բայց համաճարակի դեմ պայքարը իրականացվում է պետական միջոցներով։

«Մասնավորին չընդգրկելով՝ հասնում ես նրան, որ անգամ, երբ կոնսոլիդացիոն կոչեր են անում՝ ասում են, որ կամավորները կարող են գալ կոնկրետ հասցեով, օրինակ, կարող են դիմել ինչ- որ Քնարիկի մորաքրոջը, անգամ հիվանդանոցների դեպքում։ Ասենք՝ մի քանի միլիոն դոլարանոց հիվանդանոց ես տիրապետում, 1000-ավոր անձանց առողջապահությամբ ես զբաղվում, բայց պետք է Քնարիկին նամակ գրես, սպասես, թե Քնարիկն ինչ կպատասխանի, որ ինքը ընդգրկվի ինչ-որ հարցերի լուծմանը, ռեալ՝ դուք դա կանե՞ք։ Նման հայտարարությունը արդեն խոսում է այն մասին, որ հարգելի մասնավորներ, հեռու մնացեք, էս խաղը ձեր խաղը չի, դուք ստեղից ոչ մի բան չեք ունենալու։ Իհարկե, համաճարակը հաղթահարվելու է, չի կարող չհաղթահարվել, հաղթահարվելուց հետո էլ չեն ասելու, որ մեդալներ ենք տալու այսինչ հիվանդանոցին, այնինչ բժիշկին, մեդալներն իրենցն է լինելու, վաղը դուրս կգանք փողոց ու կտեսնենք, որ մի հոգի է մեդալները կրծքին շարած՝ կորոնավիրուսը հաղթանակած քայլում, օրինակ, դա կարող է լինեկ նախարարը, փոխնախարարները, կամ մի փոքր խումբ, ովքեր հաղթանակն իրար մեջ կբաժանեն»,-ասաց նա։