Չինաստանը նախապատրաստում է դոլարի թվային մրցակցին՝ մարտահրավեր նետելով ԱՄՆ-ին. «Նեզավիսիմայա գազետա»
Մինչ աշխարհը փորձում է հաղթահարել կորոնավիրուսային համավարակի ծանր հետևանքները, Չինաստանը փորձարկում է սեփական թվային արժույթը, որը հեռանկարում կարող է դուրս մղել դոլարային հաշվարկները:
Այս մասին գրում է «Նեզավիսիմայա գազետա»-ն՝ նկատելով, որ ԱՄՆ-Չինաստան դիմակայության նոր շրջանում թվային արժույթի առկայությունը որոշ երկրներին հնարավորություն կտա փոխադարձ հաշվարկներն իրականցնել առանց ամերիկյան պատժամիջոցների մասին անհանգստության: Խոսքը, օրինակ, Իրանի մասին է, որը կկարողանա դոլարային միջազգային վճարային համակարգերից խուսափելով վճարումներ անել:
Աղբյուրը գրում է, որ, ըստ փորձագետների, Չինաստանի կենտրոնական բանկը շրջանառության մեջ է դնում թվային արժույթ՝ մարտահրավեր նետելով ԱՄՆ-ին: Ներկայում Պեկինը փորձարկում է թվային յուանը, որի պաշտոնական գործարկումը, ըստ փորձագետների, սպասվում է այս տարվա վերջից ոչ ուշ:
Աղբյուրը նկատում է, որ Չինաստանը թվային արժույթի միջոցով համաշխարհային ֆինանսական շուկաների վրա իր ազդեցության ընդլայնման բազում հնարավորություններ ունի: Սեփական թվային արժույթի կիրառումը Չինաստանին թույլ կտա բիզնեսի վարման հարցում գրեթե ամբողջովին շրջանցել դեպի ԱՄՆ-ն կողմնորոշված գործող ֆինանսական համակարգը:
Ավելի վաղ Deutsche Bank-ի փորձագետները կանխատել էին, որ համավարակը կարագացնի երկների՝ թվային արժույթին անցման գործընթացը: Մինչդեռ Չինաստանի համար դա առավել արդիական է՝ հաշվի առնելով Պեկին-Վաշինգտոն առևտրային և տեխնոլոգիական դիմակայության նոր փուլը:
Միգրանտներ եվրոպական ապագայի դիմաց. ի՞նչ գին է պատրաստ վճարել Հայաստանը
Պայմանագրային զինծառայող Սերգեյ Հովհաննիսյանը նույնպես ազատվել է աշխատանքից իր հոր՝ «Ուժեղ Հայաստան...
Ես Երևանում եմ, բայց Բաքվում մեր հայրենակիցներն ամբողջությամբ մեկուսացված են. Գագիկ Ծառուկյան
Ըմբոստ «պայքարող տղու» կերպարից մինչև իշխանական հովանոց. Առուշ Առուշանյանի քաղաքական փոշիացումն ու Գ...
Մեզ ոչ ոք չի կանգնեցնի. Ստեփանավանում փոփոխություններ բերելու ճանապարհին. տեսանյութ
Իշխանությունները թշնամու կատարած ցանկացած արարք ամեն գնով արդարացնում են. Արմեն Մանվելյան
Գազամատակարարման պլանային դադարեցումներ կլինեն Երևանում և մարզերում
«Հայ Վիրտուոզներ» ծրագրի պատանի երաժիշտները ելույթ ունեցան COP17-ին
5000 դրամի փոխարեն 20 000 դրամ. ՆԳՆ–ն էլ ավելի կխստացնի տուգանքները
Գյումրիում հայտարարվել է մասշտաբային բարեգործական նախաձեռնության մասին. Քըրք Քըրքորյան փողոցը կհիմնա...
