«Նման բան Գագիկ Բեգլարյանը չէր կարա ասեր». «Փաստ»
«Փաստ» օրաթերթը գրում է.
Գարեգին Նուշիկյանը՝ Կենտրոնից չառաջադրվելու պատճառների մասին
ՀՀԿ խմբակցության պատգամավոր, Նուշիկյան ասոցիացայի նախագահ, «Բուրմունք» խանութների սեփականատեր, Գարեգին Նուշիկյանը «Փաստի» հետ զրույցում պնդեց, որ ՏԿ նախկին նախարար Գագիկ Բեգլարյանը չէ պատճառը, որ ինքը Կենտրոնում չի առաջադրվել ՀՀԿ–ից:
Մամուլի տեղեկություններով, Նուշիկյանը նեղսրտել է ՀՀԿ–ից, քանի որ Կենտրոնից նրա չառաջադրվելու հարցում մեծ է եղել ՏԿ նախկին նախարար Գագիկ Բեգլարյանի դերակատարումը, ով Սերժ Սարգսյանի մոտ հետևողականորեն լուրեր է տարածել, որ Նուշիկյանը Կենտրոնում էլեկտորատ չունի և անցած ընտրություններին վարչական ռեսուրսի միջոցով է պատգամավոր դարձել։
Նշենք, որ Կենտրոն համայնքում ՀՀԿ–ից առաջադրվել է Գագիկ Բեգլարյանի եղբարը՝ Հակոբ Բեգլարյանը։
«Փաստը» մի քանի հարց ուղղեց Գարեգին Նուշիկյանին:
– Պարոն Նուշիկյան, Դուք պատրաստվում էիք ՀՀԿ–ից ռեյտինգայինով առաջադրվել Կենտրոնում, ի՞նչն էր պատճառը, որ նման կտրուկ փոփոխություն եղավ:
– Պատճառները շատ էին, որ չառաջադրվեմ: Ես ասել էի՝ հնարավոր է առաջադրվեմ: Ամենակարևորը՝ մարդկային փոխհարաբերությունները ես առաջին պլանում դրեցի: Ես էդ դառը փորձն ունեմ 2012 թվականից (Այդ ժամանակ Նուշիկյանն առաջադրվել էր «Հայէկոնոմբանկի» նախագահ Սարիբեկ Սուքիասյանի դեմ – Մ. Խ.):
– Մամուլում տեղեկություն կա, որ Գագիկ Բեգլարյանն է դերակատարություն ունեցել այդ հարցում: Մասնավորապես Սերժ Սարգսյանին հասցրել է, թե Դուք ձայներ չունեք Կենտրոնում, որ վարչական լծակներով եք ընտրվել, քանի որ մտավախություն է ունեցել, որ Դուք հաղթելու ավելի մեծ շանսեր ունեք, քան իր եղբայրը:
– Նման բան բացարձակ չի եղել: Նման բան չէր կարա Բեգլարյանն ասեր: Որոշումը իմն է եղել, ես բազմիցս ասել եմ:
– Սակայն չէ՞ որ Դուք նրա եղբոր հաղթանակին ակնհայտ սպառնալիք էիք, Դուք Հակոբ Բեգլարյանից ավելի ճանաչված եք ու ընտրվելու շանսերը Ձերն էին:
– Մենք մի թիմով էինք հանդես գալու: Ակնհայտ չէր, թե ով կընտրվի: Համենայն դեպս՝ որոշումը իմն է եղել: Ոչ մեկի ասելով չի եղել, որ նախագահին ինչ–որ բան ասեն, նախագահն էլ որոշի, որ ես պետք է չառաջադրվեմ: Նման բան չի եղել: Որոշումը իմն ա եղել:
– Միգուցե Գագիկ Բեգլարյանը փորձել է Ձեզ համոզել, որ չառաջադրվեք:
– Բացարձակ, բացարձակ: Ես Գագիկ Բեգլարյանի հետ ընդամենը մի քանի օր առաջ եմ խոսել: Դրանից առաջ շփում չեմ ունեցել իր հետ:
– Իսկ Գագիկ Բեգլարյանը Ձեզ խնդրե՞լ է աջակցել իր եղբորը:
– Ոչ, չի խնդրել, մենք հեռախոսով ենք խոսել: Արարատ Զուրաբյանի հետ էլ եմ խոսել: Ոչ Բեգլարյանն է խնդրել աջակցել, ոչ Զուրաբյանը: Ես իմ չառաջադրվելով արդեն բոլորին աջակցել եմ և՛ Հակոբ Բեգլարյանին, և՛ Արարատ Զուրաբյանին, և՛ Հրանտ Բագրատյանին:
– Մամուլում տեղեկություն կա նաև, որ Դուք այս ընտրություններում պաշտպանելու եք Արարատ Զուրաբյանին՝ Ձեր պարտքը տալու համար, քանի որ նախորդ ընտրություններում ինքն էլ ձեզ է պաշտպանել:
– Ես ոչ մեկին ոչ մի բան պարտք չեմ: Ոնց ինձ Արարատ Զուրաբյանն է օգնել ընտրությունների ժամանակ, նույն ձևով էլ Բեգլարյան Գագիկն է օգնել, դաշնակցությունը, «Ազատ դեմոկրատները»: Բոլորն էլ ինձ օգնել են: Նման խնդիր չկա, ես ինչ–որ մեկին պարտք չեմ, որ պարտքս վերադարձնեմ:
– Ի վերջո, Հանրապետականի հետ շարունակելո՞ւ եք, թե ոչ:
– Հանրապետականի հետ, իհարկե, շարունակելու եմ համագործակցությունը, հատկապես տնտեսական հանձնաժողովի հետ: Եթե կարող եմ օգտակար լինել, ինչո՞ւ չաջակցեմ:
Շարունակությունը` «Փաստ» օրաթերթի այսօրվա համարում:
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
