Վարուժան Բաբաջանյան. Տավուշի միակ ոչ իշխանական թեկնածուն, ով ընտրվելու ռեալ շանս ունի
Դեռ պաշտոնապես հայտարարված քարոզարշավին մի քանի օր կա, սակայն գաղտնիք չէ, որ թեկնածուները, հատկապես ռեյտինգային ընտրակարգով առաջադրված, արդեն սկսել են նախընտրական աշխատանքները։ Այդ մասին են խոսում թեկնածուների հանդիպումները թիրախ խմբերի հետ, հնարավոր աջակիցների և գործընկերների համախմբումը, շտաբների բացումը և այլն։
Ինչպես մեր նախորդ հրապարակումներից մեկում գրել էինք, բավականին թեժ պայքար է ծավալվելու Տավուշի մարզում։ Իշխանությունն այս մարզում փորձելու է ստանալ մեծ թվով ձայներ։ Սակայն, կարծես ուրվագծվող պատկերից այս պահին պարզ է դառնում, որ դա այդքան էլ իրատեսական կարող է չլինել։ Իհարկե, հատկապես հայտնի դեմքերի մասով անցողիկի շեմը հնարավոր կլինի անցնել, սակայն ի՞նչ համամասնությամբ։
Եթե նայում ենք նախորդ ընտրությունների համեմատության ծիրում, ապա տեսնում ենք, որ իշխանական թեկնածուները իրենց բացարձակ չեն արդարացրել։ Ավելին, այս ընտրատարածքը ներկայացնող պատգամավորները որևէ ձեռնարկումով կամ օրենսդրական նախաձեռնությամբ աչքի չեն ընկել։
Հանրապետական «ցմահների» ճանապարհին, այս անգամ, կփորձի կանգնել բավականին երիտասարդ ու եռանդուն Վարուժան Բաբաջանյանը։ Ի՞նչն է ուժեղ դարձնում այս թեկնածուին, մյուսների համեմատ։ Նախորդ, 2012-ի ընտրություններին նա արդեն առաջադրվել է և, չնայած այն ժամանակ խիստ համեստ ռեսուրսներին, հսկայական չափով ձայներ է հավաքել, բայց պարտվել է իշխանական թեկնածուին։ Այժմ, ինչպես ցույց են տալիս բաց և փակ հարցումները, նրա այդ էլեկտորատը ոչ միայն պահպանվել է, այլ նաև ավելացել։ Իսկ այդ հանգամանքը լուրջ գործոն է։ Վերջինի պատճառներին դեռ կանդրադառնանք։
Բաբաջանյանի առավելություններից մեկն էլ նրա անկուսակցական լինելու հանգամանքն է։ Առաջադրված լինելով «Ծառուկյան» դաշինքով, նա ամեն դեպքում չի անդամակցում որևէ կուսակցության։ Ասել կուզե, այս հանգամանքը ևս, նրան ավելի շատ դարձնում է մարզի թեկնածու։
Անցնող տարիները նաև ցույց են տվել, որ նա բավականին ուժեղ բնավորության տեր անձնավորություն է։ Մեդիադաշտում, ինչպես նաև ձեռնարկատիրական ոլորտում նրա ծավալած գործունեությունն այդ ամենի ցուցիչներից են։ Հայաստանյան իրականության պայմաններում, համաձայնեք, բավականին բարդ է առանց թիկունքի կամ հսկայական ֆինանսական ռեսուրսների, նախաձեռնել գործեր ու հասնել հաջողությունների։ Հատկապես մի դաշտում, որտեղ հայտնի է, թե ինչ տիտաններ են գործում։ Սակայն անձնային որակների շնորհիվ նրան կարծես հաջողել է մնալ այդ մրցակցային դաշտում։
Նույնը պնդում են նաև Բաբաջանյանի հետ աշխատած լրագրողները և այլ ոլորտների ներկայացուցիչները։ Որպես գործատու բավականին խիստ ու նախաձեռնող է, սակայն երբեք չի խախտում մարդկայինի սահմանը։
Ակնհայտ է, որ տավուշցիները հոգնել են իշխանական թեկնածուներից և նրանց խոստումներից, որոնք այդպես էլ ի կատար չեն ածվում։ Այս մասում ևս ներկայացվող թեկնածուն ունի իր առավելությունները։ Ի տարբերություն մյուսների, նախորդ ընտրություններին պարտությունից հետո չի անցել պասիվ հայեցակարգի, այլ հակառակը՝ բավականին բեղուն գործունեություն է ծավալել մարզի ամենատարբեր ոլորտներում։
Իշխանական թեկնածուների նկատմամբ ունեցած առավելությունն ակնհայտ է։ Նույնն է նաև ոչ իշխանական թևի հետ կապված։ Եթե մենք նայենք ոչ իշխանական թևին, և այստեղ ներկայացված գործիչներին, ապա ակնհայտ կտեսնենք, որ Բաբաջանյանն ունի ամենածանրակշիռ էլեկտորատը և միակն է մարզի ոչ իշխանական թեկնածուներից, ով ընտրվելու ռեալ շանս ունի։
Ատոմ Ոսկանյան
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Ուժեղ Հայաստան» կուսակցության քարոզարշավը․ ուղիղ
Մերժում ենք թուլությունը, սուտն ու կեղծիքը, ընտրում ենք արժանապատիվ և ուժեղ Հայաստանը․ Ավետիք Չալաբյ...
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
