Իրականությունը խեղաթյուրող հայտարարություններով չեք կարող արատավորել մարդկանց բարի համբավն ու անունը

Էդվարդ Մանուկյանը ֆեյսբուքյան իր էջում գրում է.

«Մուլտի Գրուպ» կոնցեռնի տնօրեն Սեդրակ Առուստամյանը այսօր հայտարարություն է տարածել՝ ի պատասխան երեկ Ոստիկանության կողմից տարածված տեսանյութի, ըստ որի ոմն Արտյոմ Զոհրաբյան «Արարատցեմենտ» ընկերությունից առանց համապատասխան հաշվապահական ձևակերպումների ցեմենտ է ձեռք բերել և արդյունքում պետությանը պատճառվել է 269 մլն դրամի վնաս։Պարզվում է, որ տեսանյութում ներկայացվածը իրականության հետ որևիցէ առնչություն չունի և «Արարատցեմենտ» ՓԲԸ-ը օրենքով սահմանված կարգով մշտապես իրականացրել է հարկային պարտավորությունները։Իսկ տեսանյութում ներկայացված Արտյոմ Զոհրաբյանը որոշ ընկերությունների սեփականատեր է և համագործակցել է «Արարատցեմենտ» ընկերության հետ, սակայն վերջին ժամանակներում հրաժարվել է հարկեր վճարել, բայց ինչպես տեսանք Ոստիկանության կողմից տարածված տեսանյութում, իրականությունը խեղաթյուրված էր․․․․
Սակայն այս ամենի կողքով չէր կարող «անտարբեր» անցնել «Ժամանակ» օրաթերթը և հավանաբար իրենք իրենց չէին ների, եթե հերթական ապատեղեկատվությունը չտարածեին «Մուլտի Գրուպ» կոնցեռնի վերաբերյալ։Ըստ հրապարակված նյութի «Մուլտի Գրուպին»-ին պատկանող գազալցակայանները նույնպես չեն կատարել իրենց հարկային պարտավորությունները, սակայն ի դժբախտություն դատարկաբանությամբ զբաղվող լրատվականների, կոնցեռնի տնօրեն Ս․Առուստամյանը այս հարցին էլ անդրադարձավ և նշեց, որ իրենք պարտաճանաչ կատարել են բոլոր հարկային պարտավորությունները և դրանց հետ կապված ոչ մի խնդիր գոյություն չունի։
Կգա արդյոք այնպիսի մի ժամանակ, երբ «Ժամանակ» օրաթերթը կհասկանա, որ ամեն ինչին չափ ու սահման գոյություն ունի և, որ պետք չէ ստեր հորինելով խաղալ մարդկանց անվան հետ, քանզի ցանկացած սուտ կարճ ժամանակում բացահայտվում է, ինչպես տեղի ունեցավ այս դեպքում։