Աշխարհն առանց թափոնների. Փոխըմբռնման հուշագիր՝ «Կոկա-Կոլա Հելլենիկ Արմենիա»-ի ԲՆ-ի միջեւ

Երեւան – փետրվարի 1-ին, «Կոկա-Կոլա Հելլենիկ Արմենիա» ընկերոթյան եւ ՀՀ բնապահպանության նախարարության միջեւ կնքվեց փոխըմբռնման հուշագիր, որի գլխավոր նպատակն է բնակչության շրջանում աղբի կառավարմանն ուղված խնդիրների իրազեկվածության խթանումն ու աղբի տեսակավորման մշակույթի զարգացումը։ Համագործակցության շրջանակում «Կոկա-Կոլա Հելլենիկ Արմենիա» ընկերությունը Երեւան եւ Թալին համայնքներում կտեղադրի պլաստիկ շշերի տեսակավորման աղբամաններ։ Հուշագրի համաձայն աղբամանների մի մասը կտեղադրվի Խաչքարերի պուրակում, իսկ հիմնական մասը՝ Թալին քաղաքում։

2018 թվականին բնապահպանության նախարարությունը հայտարարել է մեկ անգամյա օգտագործման պլաստիկի աստիճանական կրճատման նախաձեռնությունը։ Նախարարությունը միշտ պատրաստ է աջակցել այն կազմակերպություններին, որոնք նպաստում են մեկանգամյա օգտագործման պլաստիկ թափոնների կրճատմանը, վերամշակմանը եւ աղբի տեսակավորման մշակույթի զարգացմանը։

«Կոկա-Կոլա ընկերության համար թափոնների վերամշակման ու տեսակավորման թեման նոր չէ, այն ընկերության կորպորատիվ սոցիալական պատասխանատվության կարեւորագույն ուղղություններից է։ 2018-ին «Կոկա-Կոլա Ընկերությունը» մեկնարկել է «Աշխարհն առանց թափոնների» գլոբալ նախաձեռնությունը, որը միտված է պլաստիկ թափոնների նվազեցմանն ու դրանց վերամշակման խնդրի լուծմանը։ Նախորդ տարվա ընթացքում «Կոկա-Կոլա Հելլենիկ Արմենիա» ընկերությունն արդեն հասցրել է իրականացնել հանդիպումներ ոլորտի առաջատարների հետ, ընդլայնելով այս ոլորտում հնարավոր համագործակցությունների շրջանակը եւ բարձրացնելով հանրային իրազեկությունը ։

«Այսօր ստորագրում ենք հուշագիր Բնապահպանության նախարարության հետ՝ ամրապնդելով մեր համագործակցությունը, ինչպես նաեւ ընդլայնելով «Աշխարհն առանց թափոնների նախագծի» շրջանակում իրականացվող միջոցառումները, ներառելով մարզերը։ Մենք հավատում ենք, որ հաջողության հասնելու համար անհրաժեշտ է գործել պատասխանատու կերպով եւ հասկանալ, որ յուրաքանչյուր դրական փոփոխություն սկսում է հենց մեզանից, որպես օրինակ ցանկանում եմ նշել, որ ընկերությունն արդեն վերամշակում է արտադրության ընթացքում առաջացած ներքին թափոնների ավելի քան 98%-ը: Մենք միշտ պատրաստ ենք համատեղել ջանքերը այս կարեւոր հարցի լուծմանն ուղղված միջոցառումների շուրջ եւ հուսով ենք, որ մեր դրական օրինակով կոգեշնչենք որոլտում գործող բոլոր շահառուներին եւ բիզնեսներին։», նշեց ընկերության գլխավոր տնօրեն Քրիստոֆ Սպեկը։

Իր 22-ամյա գործունեության ընթացքում «Կոկա-Կոլա Հելլենիկ Արմենիա» Ընկերությունը կատարել է ավելի քան 40 միլիոն եվրոյի ներդրում՝ նպաստելով երկրի տնտեսության զարգացմանը: Ավելի քան 360 մասնագետից բաղկացած մեծ թիմն ուղղակիորեն ներգրավված է Ընկերության ամենօրյա գործունեությունում, իսկ 12.000-ից ավելի կորպորատիվ հաճախորդներն օգնում են արտադրանքն արագ հասցնել սպառողին: