Դեկտեմբերի 27-ից հետո թունդ ձմեռ է գալիս. Գագիկ Սուրենյան

Դեկտեմբերի 27-ից հետո թունդ ձմեռ է գալիս: Այս մասին ֆեյսբուքյան իր էջում գրել է ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը:
«Ժողովուրդ 27-ից հետո թունդ ձմեռ է գալիս»,-գրել է նա:

Ավելի վաղ ՀՀ արտակարգ իրավիճակներից տեղեկացրել էին, որ դեկտեմբերի 23-ին, 24-ի գիշերը, 25-ին սպասվում է առանց տեղումների եղանակ: 24-ի ցերեկը, 26-27-ը շրջանների զգալի մասում սպասվում են տեղումներ և մառախուղ, լեռնային և նախալեռնային շրջաններում՝ ձյուն։ Քամին՝ հյուսիս-արևելյան 3-8մ/վրկ: Օդի ջերմաստիճանը դեկտեմբերի 24-26-ը ցերեկը կնվազի 4-5 աստիճանով։

Երևան քաղաքում՝ դեկտեմբերի 23-ին, 24-ի գիշերը, 25-ին սպասվում է առանց տեղումների եղանակ։ Դեկտեմբերի 24-ի ցերեկը և 26-27-ը սպասվում են տեղումներ, բարձրադիր գոտում՝ թաց ձյան տեսքով։ Առավոտյան ժամերին ցածրադիր գոտում սպասվում է մառախուղ։