Պալաչի թեման ունի՞ քաղաքական երանգներ...

Սելինա Սահակյանը ֆեյսբուքյան իր էջում գրում է.

Շատ տարօրինակ է, երբ վերջին շրջանում մամուլի ուշադրության կենտրոնում է հայտնվել Արթուր Հարությունյանը, ով ավելի շատ հայտնի է Պալաչ մականվամբ: Վերջինս պարբերաբար հայտարարություններ է անում, որ ինչ որ խնդիրներ ունի Գագիկ Ծառուկյանի հետ ու մամուլն էլ փորձում է շահարկել այդ թեման առանց որևէ արդարացի հիմք ունենալու: Հասկանալի է, որ այդ ճանապարհով մամուլը փորձում է էլ ավելի բարձրացնել իր անունը և շատացնել իր ընթերցողների քանակը, բայց հարկ չկա մի մարդու վրա ուշադրություն դարձնել, ով ընդհանրապես զուրկ է մարդկային արժեքներից: Մարդ, ով իր հայրական տունը գրավ է դնում ու թողնում փողոցում իր ծնողներին, ընդհանրապես արժանի չէ ուշադրության, առավել ևս մամուլի կողմից: Իսկ իր հերթին էլ մեր որոշ «պայծառաշող» լրագրողները չեն ներկայացնում իրականությունը: Միայն շահարկում են Գագիկ Ծառուկյանի անունը ու վերջ, առանց հասարակությանը ներկայացնելու իրականությունը և դեպքերի իրողությունը:
Իսկ իրողությունը միանգամայն այլ է եղել: Մասնավորապես Արթուր Հարությունյանը մեծ գումարներ է վերցրել բանկերից, որոնք պետք է ուղղեր իր բիզնեսի զարգացմանը: Սակայն նա «Առէկսիմբանկ»-ից և «Պրոմեթեյ»-ից վերցրած գումարը վատնել է աձնական կարիքների բավարարման վրա, բազմիցս հաճախել խաղատներ, որոնց մասին նաև արձանագրում են նրա երբեմնի ընկերները: Ու զարմանալի էլ չէ, որ երբ մարդ ավելի շատ մտածում է սեփական հաճույքի մասին, քան թե բիզնեսի, ապա կորցնում է այն: Ու այդպես էլ եղել է, քանի որ Արթուր Հարությունյանը ոչ միայն տարված է եղել խաղատներով, այլև ընդհանրապես ժամանակ չի հատկացրել բիզնեսի զարգացման համար, միայն տարված է եղել ճոխ կյանքը վայելելով: Ու զարմանալի չէ, որ նման պայմաններում նա կսննկանար: Երբ նրա ընկերությունները սնանկ են ճանաչվել, բանկերը աճուրդային կարգով վաճառքի են հանել այդ երկու ընկերությունները, որոնք էլ գնել է՝ «Մուլտի Ավտոտրանս» ընկերությունը: Եվ լավ է, որ բավական շուտ այդ ընկերությունները գնվել են, քանի որ այդպիսով հնարավոր է եղել խուսափել տրասնպորտային կոլապսից, որը կառաջանար Աբովյան-Երևան-Աբովյան և Չարենցավան-Երևան-Չարենցավան ուղղություններով և մինչև այժմ մենք տեսնում ենք տվյալ ուղղություններով կանոնակարգված ուղևորափոխադրումներ: Եվ այն հիմնավորումները, որոնք ներկայացնում է Արթուր Հարությունյանը, թե իբր ընկերությունները սննկացել են «Գագիկ Ծառուկյան» բարեգործական հիմնադրամի կողմից ներդրված անվճար ավտոբուսների գործունեության արդյունքում, միանգամայն զուրկ են հիմնավորումներից, քանի որ մինչև այժմ էլ այդ ավտոբուսները գործարկվում են և դրան զուգահեռ գործում է վճարովի ուղևորափոխադրումները: Ապա այս դեպքում ինչո՞ւ «Մուլտի Ավտոտրանս» ընկերությունը չի սննկանում:
Մի պարզ բացատրություն կա այս ամենին: Այդ մարդը մտածում է միայն իր անձնական շահի բավարարման մասին ու այդ ամենի մասին վկայում են նաև նրա երբեմնի ընկերները, իսկ մամուլի կողմից շահարկվող այդ թեմային ընդհանրապես հարկ չկա ուշադրություն դարձնել և կարելի է որոշակի եզրակացություններ կատարել, որ դա նույնիսկ կարող է լինել ինչ որ քաղաքական ուժերի պատվեր: